Bajkotu vybaraŭ z boku Abjadnanych demakratyčnych siłaŭ nia budzie.
Bajkotu vybaraŭ z boku Abjadnanych demakratyčnych siłaŭ nia budzie.
Heta vyciakaje z rašeńniaŭ, jakija pryniali siońnia ŭdzielniki pasiedžańnia Palitrady i kandydataŭ u deputaty ad adzinaha śpisu ADS.
Na apošnim etapie vybarčaj kampanii pastaŭlenyja try zadačy. Pieršaja -- skancentravać vysiłki na arhanizacyju kantrolu za padlikam hałasoŭ vybarnikaŭ, kab pradjavić dokazy falšavańnia vynikaŭ. Druhaja -- u tych vybarčych akruhach, dzie ŭ biuluteniach niama demakratyčnych kandydataŭ, pravodzić pracu na nie ŭdzieł vybarnikaŭ u hałasavańni. Treciaja -- zaklikać vybarnikaŭ pravieści 28 vieraśnia akcyi pratestu suprać nieŭklučeńnia pradstaŭnikoŭ demsiłaŭ u vybarčyja kamisii i falšavańnia vynikaŭ hałasavańnia.
Pasiedžańnie zaniało ŭsiaho paŭhadziny.
Udzielnik siońniašniaha pasiedžańnia Ihar Rynkievič ahučyŭ infarmacyju pra toje, što nibyta staršynia Mienskaha harvykankamu Michaił Paŭłaŭ pravioŭ naradu na vybarčuju temu. Pastaŭlenaja zadača, kab u daterminovym hałasavańni ŭdzielničali 25-27 % vybarnikaŭ stalicy.
Spadar Rynkievič taksama skazaŭ, što u demakratyčnych kandydataŭ amal niama šancaŭ patrapić u parlament:
«Pa infarmacyi, jakaja mnie viadomaja, stvorany tak zvany «Śpis Papkova». Sam spadar Papkoŭ budzie śpikieram novaha składu pałaty, a spadar Andrejčanka – vice-śpikieram. Ad apazycyi ŭ parlament amal nikoha jany nie prahnazujuć. Tam jość šeść čałaviek ad aficyjnaj partyi kamunistyčnaj i značnaja častka kandydataŭ budzie iści pad šyldaj «Biełaj Rusi», chacia heta i nie afišujecca.
Nichto z tych z apazycyi, chto, nakštałt spadara Laŭkoviča, apošnimi miesiacami pavodzili siabie łajalna da ŭładaŭ, u parlament nie trapić. Takim čynam, možna vieści kampaniju, nie spadziejučysia, što ŭłada ich abłaščyć i puścić u skład deputataŭ pałaty № 4».
Tut zastajecca tolki dadać, što Alaksandar Papkoŭ źjaŭlajecca namieśnikam kiraŭnika Administracyi prezydenta Biełarusi, a Ŭładzimier Andrejčanka – staršynia Viciebskaha abłvykankamu.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary