40-hadovaja Volha Čarnieckaja pamierła 18 listapada ŭ Churhadzie. Jana była ŭ hramadzianskim šlubie ź jehipcianinam. Ale žančyna hadavała dvaich dziaciej, jakich usynaviła jašče ŭ Biełarusi, kali była zamužam u pieršy raz.
Volha Čarnieckaja ź dziećmi.
Volha Čarnieckaja skanała ad išemičnaj chvaroby serca, paviedamlaje tut.by. Ciapier MZS pracuje nad viartańniem dziaciej u Biełaruś. Chłopčyku i dziaŭčyncy kala 5 hadoŭ. Konsuł užo ustalavaŭ kantakt z uładami Jehipta i z bratam zahinułaj, jaki žyvie ŭ Biełarusi. Były muž Čarnieckaj, biełarus, paviedamiŭ, što hatovy vylecieć u Jehipiet za dziećmi.
Svajaki pamierłaj vyrašyli, što žančynu pachavajuć u Jehipcie — u siamji niama hrošaj pieravieźci cieła ŭ Biełaruś.
Kamientary