Abvieščany šort-list premii «Hieroi hodu-2017» u biełaruskaj muzycy

 Na 14-hodździe partału TuzinFM 12 śniežnia projdzie štohadovaja muzyčnaja premija «Hieroi hoda». U naminacyi «Adkryćcio» sioleta piaciora pretendentaŭ, a na «Hurt hoda» naminujecca vaśmiora vykanaŭcaŭ. 

U naminacyju «Adkryćcio hodu» traplajuć tyja vykanaŭcy, jakija sioleta ŭpieršyniu zajavili pra siabie ŭsurjoz. Uličvajecca tvorčaja aktualnaść i aryhinalnaść, najaŭnaść studyjnych zapisaŭ i muzyčnych videa, aktyŭnaść u sacsietkach, kancerty, udzieł u konkursach i ftstyvalach, supolnaja praca ź inšymi hurtami. Važnym kryteram źjaŭlajecca taksama najaŭnaść biełaruskamoŭnych piesień u repiertuary vykanaŭcy. Sioleta na «Adkryćcio» naminujucca 5 hurtoŭ (vykanaŭcaŭ). Heta śpiavačka Kaciaryna Vadanosava, pieramožcy konkursu «Zaśpiavaj 4x4» hurt Helious, elektronny prajekt Mikita, instrumientalny indzi-hurt The Glithhh, art-rokavy duet «MorkvoĆviet».

Pry vyznačeńni naminantaŭ na «Hurt hodu» da ŭvahi najpierš biarecca tvorčaja i miedyjnaja aktyŭnaść: relizy, hastroli, solnyja kancerty, udzieł u festach, aktyŭnaść u sacsietkach, pośpiech u čartach. Nu, i viadoma, aryhinalnaść i aktualnaść. Naminavacca na «Hierojaŭ» u adroźnieńnie ad «Adkryćcia» možna biaskonca. Najaŭnaść biełaruskaj movy ŭ pieśniach źjaŭlajecca pažadanym, ale nie vyznačalnym kryteram. Sioleta u šort-list hetaj naminacyi ŭvajšli vaśmiora hurtoŭ (vykanaŭcaŭ): Nizkiz, Volha Padhajskaja i Vital Epaŭ (Five-Storey Ensemble), TonqiXod, Barys Štern («SłuchaćUnavušnikach»), Akute, Re1ikt, Lavon Volski, Naviband

Pa tradycyi pieramožcaŭ u naminacyjach «Adkryćcio hodu» i «Hurt hodu» pa viersii TuzinFM nazavuć na premii «Hieroi hodu» 12 cniežnia. Sioleta jana projdzie ŭ kłubie «Mačo», što ŭ kompleksie «Žuravinka» (vuł.Janki Kupały, 25). Da abviaščeńnia ŭdzielnikaŭ kancertu, jakoje adbudziecca 27 listapada ŭ prodažy dastupnyja samyja tannyja kvitki.

U kancercie voźmie ŭdzieł try pretendenty z šort-lista na «Hurt hodu» i adzin naminant na «Adkryćcio». Łajn-ap budzie abvieščany ŭviečary 27 listapada. Da hetaha momantu možna nabyć kvitki na imprezu tańniej. Kvitki pradajucca praz servis BezKassira

Najlepšych u biełaruskaj muzycy partał TuzinFM nazyvaje z 2003 hoda. U roznyja časy «Adkryćciom hodu» pryznavalisia Tlusta Lusta, Akute, Palina Respublika, «Ludzi na bałocie», Hurma, Leibonik, Pauline, Intelligency, a «Hierojam hodu» stanavilisia Akute, Re1ikt, Dzieciuki, «Krambambula», rok-paet Michał Aniempadystaŭ, Siarhiej Doŭhušaŭ i hurt Vuraj, a taksama aŭtary najlepšych piesień siezonu na TuzinFM — Zet, N.R.M., «Lapis Trubiacki», «Hluki».

***

Premija «Hieroi hodu» ad TuzinFM. 12 śniežnia Macho club (kompleks «Žuravinka», vuł.Janki Kupały, 25). Pačatak u 19.00. Daviedki pa teł. +375 29 687-20-93.

• 0
• 0
• 0
• 0
• 0
• 0
• 0
• 0