Łukašenka maje namier pravieryć dobraŭparadkavańnie ŭ dvuch dziasiatkach haradoŭ u 2018 hodzie
Pra heta jon zajaviŭ siońnia na respublikanskim sieminary pa ŽKH, piša BiełTA.
Kiraŭnik dziaržavy źviarnuŭ uvahu, što u 2018 hodzie asablivaja ŭvaha budzie nadadziena naviadzieńniu paradku ŭ nasielenych punktach. «Treba aznačyć dva-try dziasiatki takich haradoŭ, kab ja moh asabista pahladzieć. I nie tolki ja, usie my pavinny pabyvać tam, — skazaŭ Alaksandr Łukašenka. — Abaviazkova treba dobraŭparadkavać harady, vioski. Tam ža vy žyviacie, vašy ludzi i vašyja dzieci».
Jon rastłumačyŭ svaje patrabavańni da dobraŭparadkavańnia i, u pryvatnaści, vysadcy dreŭ uzdoŭž daroh. Pavodle jaho słoŭ, heta nieabchodna rabić nie stolki dla naviadzieńnia pryhažości, choć i heta vielmi važna, a dla bolš racyjanalnaha vykarystańnia resursaŭ. Naprykład, za adchonami i abočynami davodzicca ŭvieś čas hladzieć, kab utrymlivać ich u čyścini i paradku, što patrabuje vialikich vydatkaŭ.
«Davajcie pasadzim tam drevy — praź piać hadoŭ my zabudziem pra toje, što tam treba kasić, — prapanavaŭ kiraŭnik dziaržavy. — I pryhoža, i hrošy nie treba marnavać. Ja ŭžo nie kažu pra toje, što apoŭźni, kali dobryja daždžy prajšli, usio rujnujuć…».
Alaksandr Łukašenka adznačyŭ, što dobraŭparadkoŭvać terytoryi nieabchodna i dla taho, kab kraina mieła svoj tvar. «Čyścinia i paradak - pytańnie numar adzin».
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu19
Kamientary