Raz na niekalki miesiacaŭ samyja modnyja dziaŭčaty stalicy źbirajucca na «Pret-a-partał fešn kavu». Tematyčnyja pasiadziełki biaspłatnyja, ale ŭsie ŭdzielnicy musiać prytrymlivacca strohaha dres-kodu, pryčym štoraz novaha.
Arhanizatary zahadzia paviedamlajuć, što treba nadziavać na nastupnuju sustreču. Dres-kod moža vyznačacca niejkim aktualnym koleram siezonu ci ŭvohule cełaj temaj, kštałtu «śniadanak u Cifani», «femili łuk» ci «ŭrok hieamietryi».
Padčas imprezy sponsary mierapryjemstva i ŭdzielnicy «Kavy» hałasujuć za najcikaviejšyja vobrazy. U padarunak možna atrymać jak darahuju sumku z modnaha bucika, tak i bukiet kvietak ad studyi fłarystyki ci drobny aksesuar ad minskich dyzajnieraŭ.
Tut vystupajuć ź lekcyjami stylisty, imidžmiejkiery i roznyja cikavyja asoby z kalamodnaj minskaj tusoŭki.
U hetuju niadzielu na sustreču ŭdzielnicy musili nadzieć štości koleru hrenadzin.
Nie dumajcie, što dla ŭdziełu treba mieć niejkija darahija modnyja harnitury — mahčyma, na nastupnaj sustrečy ŭ styli rok-n-roł žury abiare staruju skuranku. Hałoŭnaje, sabrać sa zvyčajnych rečaŭ niezvyčajny vobraz.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary