Prezident ZŠA Donald Tramp paśla sustrečy ŭ Biełym domie z členami amierykanskaha vajskovaha kamandavańnia zrabiŭ «spantannuju» i «zahadkavuju» zajavu, pieradaje Politico.
«Moža być, heta zacišša pierad buraj», — skazaŭ amierykanski lidar ab praviedzienaj naradzie padčas fotasiesii. «U hetym pakoi prysutničajuć vialikija suśvietnyja vajenačalniki», — dadaŭ jon, nie patłumačyŭšy pry hetym, što mienavita mieŭ na ŭvazie pad svajoj inšaskazalnaj frazaj. «Daviedajeciesia [što budzie]», — zapeŭniŭ žurnalistaŭ palityk u adkaz na ŭdakładniajučaje pytańnie, paviedamlaje rbc.ru.
Jakija mienavita temy abmiarkoŭvalisia na hetym pasiadžeńni, nieviadoma, zaŭvažaje Politico. Adnak zaraz Tramp, jak tłumačyć vydańnie, vyrašaje pytańnie ab tym, ci varta razryvać jadziernuju ździełku ź Iranam. Paśla sustrečy z amierykanskimi vajskovymi čynoŭnikami jon, jak padkreślivaje Reuters, čarhovy raz zajaviŭ ab parušeńni Tehieranam «duchu» hetaha pahadnieńnia. «My nie pavinny dapuścić, kab Iran atrymaŭ jadziernuju zbroju», — adznačaŭ Tramp.
Taksama pra toje, što prezident ZŠA płanuje abjavić pra anulavańnie damovy ź Iranam, raniej, 5 kastryčnika, sa spasyłkaj na krynicy ŭ Biełym domie paviedamlała hazieta The Washington Post. U administracyi kiraŭnika Złučanych Štataŭ hetu damovu, pa infarmacyi surazmoŭcaŭ vydańnia, mohuć paličyć «nie adpaviednaj nacyjanalnym intaresam krainy».
Akramia hetaha, jak dadaje CNBC News, paśla sustrečy z členami amierykanskaha vajennaha kamandavańnia Tramp padkreśliŭ, što jaho administracyja «nastojvaje na denuklearyzacyi Paŭnočnaj Karei». «My zrobim toje, što pavinny zrabić, kab Pchieńjan nie pahražaŭ Złučanym Štatam i ich sajuźnikam», - zaŭvažaŭ prezident.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary