U Saudaŭskaj Aravii pamianiajuć padručniki z-za fota karala ŭ kampanii Jody
Ministerstva adukacyi Saudaŭskaj Aravii ŭ niadzielu pačało zamianiać padručniki dla sacyjalnych navuk, u jakich akazałasia fatahrafija karala Fiejsała bien Abdel Aziza ź piersanažam filma «Zornyja vojny» mahistram Jodam, paviedamiŭ u tvitary pradstaŭnik viedamstva Mubarak al-Asimi.
Na fatahrafii ŭ padručniku Joda siadzić za stałom pobač z karalom u toj momant, kali toj padpisvaje statut AAN u 1945 hodzie. Fiejsał bien Abdel Aziz praviŭ Saudaŭskaj Aravijaj na praciahu 11 hadoŭ i pravioŭ niamała pieraŭtvareńniaŭ u karaleŭstvie, u pryvatnaści, zasnavaŭ jaho pravavuju sistemu, piša RIAN.
U niadzielu pradstaŭnik ministerstva, jakoje stali vinavacić u naŭmysnym ździeku z kiraŭnika, sabraŭ ekstrannuju sustreču z udziełam asob, adkaznych za vypusk padručnikaŭ.
«Paśla vyznačeńnia adkaznaha za pamyłku ŭ vydadzienym padručniku ministerstva adukacyi pačało zamienu padručnikaŭ sacyjalnych navuk dla siaredniaj škoły va ŭsich upraŭleńniach», — adznačyŭ al-Asimi.
Raniej ministr adukacyi Achmied al-Isa paprasiŭ prabačeńnia «za nienaŭmysnuju pamyłku z fatahrafijaj padpisańnia statuta AAN» i abviaściŭ ab stvareńni śpiecyjalnaj kamisii dla vyznačeńnia vinavataha ŭ hetym.
Stvaralnik vyjavy, dzie Joda siadzić pobač z karalom, saudaŭski mastak Abdała aš-Šachram pryznaŭsia, što stvaryŭ cełuju sieryju takich zdymkaŭ, raźmiaściŭšy na histaryčnych fotazdymkach z dapamohaj fotašopa papularnych sučasnych piersanažaŭ z metaj «zrabić ich mienš depresiŭnymi». Jon rastłumačyŭ, što nievypadkova źmiaściŭ mienavita Jodu pobač z manarcham. «Jon byŭ mudrym i dobrym arataram, tamu ja vyrašyŭ, što Joda — najbolš blizki pa charaktary karalu piersanaž. A jašče Joda zialonaha koleru», — skazaŭ mastak saudaŭskim ŚMI. Pry hetym aš-Šachram padkreśliŭ, što nie maje dačynieńnia da źjaŭleńnia svajoj pracy ŭ padručniku.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek15
Kamientary