Były palitviazień Alaksandr Andruškievič raspačaŭ suchuju haładoŭku kala pasolstva ZŠA ŭ Vilni
Jon patrabuje, kab administracyja ZŠA ŭ pieramovach z Alaksandram Łukašenkam paŭpłyvała na los Ściapana Łatypava, jaki niadaŭni treci raz u kałonii ździejśniŭ sprobu samahubstva.
Učora Alaksandr Andruškievič kala pasolstva ZŠA ŭ Vilni abviaściŭ suchuju haładoŭku i patrabuje, kab administracyja ZŠA ŭ pieramovach z Alaksandram Łukašenkam paŭpłyvała na los Ściapana Łatypava.
U čaćvier a 16:00 da 22:00 jon prastajaŭ u adzinočnym pikietavańni i ŭ adpaviednaści ź litoŭskim zakanadaŭstvam paśla 22:00 spyniŭ pikiet, ale nie suchuju haładoŭku.
Siońnia a 08:00 jon płanavaŭ viarnucca i praciahnuć pikiet, napisaŭ u svaim fejsbuku błohier Dźmitryj Kazłoŭ (Šery kot).
Učora stała viadoma, što Ściapan Łatypaŭ treci raz sprabavaŭ u kałonii ździejśnić suicyd
U lipieni 2025 hoda palitźniavolenaha žychara «Płoščy Pieramien» Ściapana Łatypava pieraviali z mahiloŭskaj turmy №4 u PK №22 «Voŭčyja nory», dzie adrazu źmiaścili ŭ ŠIZA, a zatym — u PKT.
Tam Ściapan parezaŭ sabie vieny i tam ža jaho zašyvali. Viadoma, što padčas utrymańnia ŭ turmie palitviazień prasiŭ adzinočnaje ŭtrymańnie.
U PKT palitviazień utrymlivaŭsia ŭ drennych umovach: u kamiery nie było navat razietki, kipień davali dvojčy na dzień. Prykładna ŭ vieraśni 2025 hoda Ściapana znoŭ pieraviali ŭ turmu.
Sam Ściapan niby kazaŭ, što nie bačyć sensu žyćcia i nie vytrymaje jašče adnaho terminu ŭ turemnym režymie.
Ściapana Łatypava zatrymali ŭ vieraśni 2020 hoda kala jahonaha doma na «Płoščy Pieramien». 16 žniŭnia 2021 hoda jaho asudzili na vosiem hadoŭ i šeść miesiacaŭ źniavoleńnia va ŭmovach strohaha režymu. Palitviazień na sudzie nie pryznaŭ vinu ni pa adnym epizodzie.
-
«Nacyjanalnaja identyčnaść — najvažniejšy instrumient supracivu ruskamu miru»: Cichanoŭskaja vystupiła na Forumie imia Kaściuški
-
Šukajuć namieśnika ideołaha Bresckaj vobłaści. Prafiesijnyja patrabavańni ścipłyja, a zarobak kučaraviejšy, čym u Minsku
-
Pravaabaroncy paviedamili pra 30 pieratrusaŭ u svajakoŭ emihrantaŭ
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?2
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary
Nie treba abviaščać haładoŭku kali ty nie pojdzieš da kanca, bo atrymlivajecca, što ty bałaboł, nie trymaješ słova.