Amal usie pabudovy i infrastruktura nievialikaj karybskaj vyspy Barbuda razburanyja paśla taho, jak pa im prajšoŭsia ŭrahan «Irma». Ciapier vyspa nieprydatnaja dla žyćcia, zajaviŭ premjer-ministr astraŭnoj dziaržavy Antyhua i Barbuda Haston Braun.
«Heta poŭnaje razbureńnie», — skazaŭ premjer padčas pralotu nad vostravam, nasielnictva jakoha składaje 1600 čałaviek. «Vyspa litaralna pajšła pad vadu. Ja liču, što zaraz Barbuda nieprydatnaja dla žyćcia», — skazaŭ Braun.
Paviedamlajecca ab hibieli adnaho dziciaci na Barbudzie, ale pa miery taho jak raźbirajuć zavały, kolkaść zahinułych, chutčej za ŭsio, budzie raści, skazaŭ premjer.
Susiedniaja vyspa Antyhua z nasielnictvam 80 tysiač čałaviek paźbiehła surjoznaha ŭronu — surjoznych razbureńniaŭ i zahinułych tam niama, kazaŭ Braŭn raniej.
U paŭdniovaj častcy vyspy Sien-Marten razburany aeraport, treci pa vieličyni na Karybskich astravach. Raniej paviedamlałasia, što vyspa zastałasia biez elektryčnaści. Usiaho na Karybach ŭ vyniku ŭrahanu zahinuli siem čałaviek.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary