Prezientavanaja pralnaja mašyna, ź jakoj možna razmaŭlać i kiravać hołasam
Italjanskaja kampanija Candy stvaryła pralnuju mašynu Bianca, ź jakoj lohka znojdzie «ahulnuju movu» luby, bo hetaja mašyna naturalna ŭmieje čuć i razmaŭlać.
Ciapier źniknie patreba ŭ vyvučeńni instrukcyj i zapaminańni roznych prahram prańnia. Dastatkova prosta spytać u mašyny «Pry jakoj tempieratury lepiej prać hetuju koftu?», «Ci možna prać razam čyrvonuju majku i čornyja džynsy?» — i jana daść vam dakładny adkaz i sama padbiare najlepšuju prahramu.
Novaja pralnaja mašyna, pramysłovy ŭzor jakoj kampanija Candy pradstaviła na IFA 2017 (pratatyp byŭ pakazany ŭ minułym hodzie), umieje słuchać i razumieć zapyty karystalnika, a taksama reahavać na ich i adkazvać. Usio heta stała mahčymym dziakujučy partniorstvu z Google, jakaja adaptavała svoj virtualny pamočnik Google Assistant ŭ absalutna novuju pryładu — pralnuju mašynku, tym samym zrabiŭšy jašče adzin krok nasustrač internetu rečaŭ.
Čytajcie taksama:
«Čałaviek budzie abhornuty»: jak «internet rečaŭ» źmienić naša štodzionnaje žyćcio
«Dyjałoh» pamiž karystalnikam i pralnaj mašynaj ažyćciaŭlajecca praz smartfon. Dla hetaha treba zapuścić dadatak Easy-Fix Candy, dastupny jak dla Android, tak i dla iOS, i možna pačynać uzajemadziejničać z mašynaj, vykarystoŭvajučy hołas albo piśmovyja zapyty.
Pakul što pralnaja mašynka havoryć tolki na anhlijskaj i italjanskaj movach, adnak heta ŭžo nie pratatyp, a całkam realny rynkavy ŭzor, tamu nielha vyklučać, što praź niekatory čas kampanija dadaść padtrymku jašče niekalkich moŭ.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada41
Kamientary