Narešcie źjavilisia novyja konturnyja karty na biełaruskaj movie FOTAFAKT
Paśla praciahłych pieramoŭ z «Biełkartahrafijaj» biełaruskamoŭnyja baćki damahlisia, kab da hetaha navučalnaha hoda nadrukavali novyja konturnyja karty dla školnikaŭ. U kramach źjavilisia dapamožniki «Fizičnaja hieahrafija» dla 6-ch kłasaŭ i «Čałaviek i śviet» dla piacikłaśnikaŭ.
Tak, adnoj ź siemjaŭ, što viali pieramovy na hety kont była siamja Vitušak, čyj syn vučycca ŭ himnazii №23.
«Šmat hadoŭ pieramovy z «Biełkartahrafijaj» pryvodzili ŭ adčaj i davali nulavy vynik. I voś — siurpryz!!! Nabyvajcie, kali łaska!», — padzialiłasia pazityŭnymi emocyjami ŭ svaim fejsbuku maci Kryścina.
U adździele markietynhu RUP «Biełkartahrafija» nam paviedamili, što na taki krok jany pajšli paśla šmatlikich zajavak ad baćkoŭ ź biełaruskamoŭnych škoł. I kali školnikam buduć patrebnyja inšyja dapamožniki pa-biełarusku, jany taksama hatovyja nadrukavać novyja varyjanty kart: tolki byŭ by popyt.
Da hetaha času ŭ najaŭnaści byli tolki karty i atłasy pa historyi, a taksama naściennaja palityka-administracyjnaja karta Biełarusi na movie.
Taksama na nacyjanalnaj movie drukujecca častka pradukcyi dla turystaŭ, u tym liku vialiki histaryčny atłas Biełarusi ŭ troch tamach.
-
«Majo słova hoda — nadzieja». Śviatłana Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam
-
Cichanoŭski ŭ navahodnim zvarocie zaklikaŭ da «finlandyzacyi», daravańnia tym, «kaho paputaŭ bies», i pavahi da Trampa
-
«Pakul Auchan adkryty, skińcie hrošaj». Biełaruska dvojčy rasčaravałasia ŭ emihrantach, jakim dapamahała, ale praciahvaje vieryć ludziam
Kamientary