Śpiecyjalisty HP «Minskrekłama» ŭžo raspracavali kancepcyju afarmleńnia Minska da Dnia horada i viaduć aktyŭnuju pracu pa vyrabie dekaratyŭnych elemientaŭ. Pra toje, jak ŭpryhožać stalicu da 950-hodździa, ahienctvu «Minsk-Naviny» raspavioŭ dyrektar pradpryjemstva Siarhiej Chilman.
— My imknulisia zachavać tradycyi, tamu ŭ afarmleńni vykarystany kolery hierba Minska — sini, čyrvony, žoŭty. Jany zastajucca niaźmiennymi z hoda ŭ hod. Buduć prysutničać u afarmleńni i kolery dziaržaŭnaha ściaha Biełarusi, matyvy dziaržaŭnaści i histaryčnaści. Na dekaratyŭnych elemientach namalavanyja znakavyja abjekty i słavutaści stalicy, — raspavioŭ S. Chilman. — U horadzie ŭžo ŭstalavanyja biłbordy ź siužetami, pryśviečanymi 950-hodździu Minska. Adnak bolšaść dekaratyŭnych elemientaŭ u horadzie źjavicca da 3 vieraśnia. Upryhožvać stalicu budziem paetapna.
Taksama śpiecyjalisty rychtujuć dekaratyŭnyja kanstrukcyi i małyja formy. Siarod ich — «Talisman», «Harmonik», «Zihzah», «Miedal». Ich možna budzie ŭbačyć na płoščach i vulicach horada.
Śpiecyjalna da jubileju stalicy ŭzvodzicca rycarski haradok u stylistycy XI—XII stahodździaŭ ź viežami, miescam dla spabornictvaŭ, namiotavym łahieram, trybunami dla hledačoŭ. Jon raskiniecca na zialonaj zonie pr. Pieramožcaŭ u miežach vuł. Mielnikajte i pr. Mašerava.
Padarunkam Minsku i jaho žycharam stanie vialiki tort, jaki ŭstalujuć kala haradskoj Ratušy. Na kanstrukcyi buduć namalavanyja znakavyja miescy i słavutaści stalicy, panaramy staražytnaha horada. Upryhožvać tort buduć ličby — 950. Taksama kala ratušy ŭstalujuć roznyja dekaratyŭnyja formy.
Maštabnyja kanstrukcyi źjaviacca i kala steły «Minsk — horad-hieroj». Tam pastaviać 9-mietrovyja ličby 950 i litary Minska.
Płošču Niezaležnaści ŭpryhožyć pano z vyjavaj ratušy i salutu. Jaho zmantujuć na fasadzie piedahahičnaha ŭniviersiteta im. M. Tanka.
Na samoj płoščy ŭstalujuć dekaratyŭnyja i ściahavyja kanstrukcyi. Siarod navinak — kub ź simvolikaj Minska.
Śviatočna buduć upryhožany i placoŭki kala Pałaca sportu i Vialikaha teatra opiery i baleta.
Uračystaje abličča nabudzuć i hałoŭnyja praśpiekty stalicy, jakija aformiać ściažki, piłony, raściažki.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6464
Kamientary