Abaronca dzikaj pryrody byŭ zabity ŭviečary 16 žniŭnia.
Chranałohiju padziej paviedamlaje The Guardian. Prylacieŭšy ŭ Dar-es-Sałam, Łoter pajechaŭ na taksi ŭ hatel. U rajonie Masaka kiroŭca byŭ vymušany spynicca: uščylnuju da taksi padjechaŭ inšy aŭtamabil. Ź jaho vyjšli dvoje - adzin ź ich byŭ uzbrojeny, - adčynili dźviery taksi i strelili va ŭpor.
Palicyja rasśleduje zabojstva. Raniej na adras 51-hadovaha abaroncy dzikaj pryrody nie raz hučali pahrozy. Užo ŭ junactvie jon, uradženiec Paŭdniovaj Afryki, zrabiŭsia rejndžaram. U 2009 hodzie staŭ adnym z suzasnavalnikaŭ niekamiercyjnaj pryrodaachoŭnaj arhanizacyi PAMS Foundation, stvoranaj dla achovy afrykanskaj faŭny i baraćby z brakańjerami. Hetaja arhanizacyja padtrymlivała dziejnaść NTSCIU (Nacyjanalnaja i miždziaržaŭnaja hrupa pa rasśledavańni ciažkich złačynstvaŭ). Členy NTSCIU damahlisia aryštu niekalkich bujnych handlaroŭ słanovaj kostkaj.
U raźvitalnym liście, apublikavanym na Facebook, kalehi Łotara ŭspaminajuć ułaścivyja jamu «abajańnie i vybitnaje pačućcio humaru». Ab stracie smutkujuć členy jaho siamji - žonka, dźvie dački i baćki.
Ad 2007 da 2014 papulacyja słanoŭ u afrykanskaj savanie skaraciłasia na 30% - heta 144 000 asobin. Da niadaŭnich časoŭ hałoŭnymi pakupnikami słanovaj kostki byli azijackija krainy: kala 70% usich zdabytych biŭniaŭ ekspartavałasia ŭ Kitaj. U kancy 2017 hoda Piekin płanuje całkam zabaranić handal słanovaj kostkaj na terytoryi Padniabiesnaj.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary