Kampanija Google zvolniła supracoŭnika, jaki napisaŭ kiraŭnictvu skandalnuju słužbovuju zapisku ab hiendernym składzie kampanii, jakaja na vychodnych šyroka razyšłasia pa sacsietkach i vyklikała chvalu abureńnia, piša VVS.
U dakładzie, u pryvatnaści, śćviardžałasia, što ŭ Google pracuje mienš žančyn (čym mužčyn) z-za «bijałahičnych adroźnieńniaŭ».
Tekst hetaj spravazdačy supiarečyŭ pryniatym u kampanii normam pavodzin, paviedamiŭ hienieralny dyrektar Google, Sundar Pinčai u paniadziełak uviečary ŭ liście supracoŭnikam kampanii.
Jon taksama paviedamiŭ, što supracoŭnik, imia jakoha ŭ kampanii nie vydajuć, byŭ vyzvaleny ad pasady. Amierykanskija ŚMI, zrešty, nazvali imia inžyniera: Džejms Dejmar.
Paźniej sam Dejmar źviazaŭsia z ahienctvam Rojterz i paćvierdziŭ svajo zvalnieńnie z farmuloŭkaj «za raspaŭsiud hiendernych stereatypaŭ».
Jon taksama zajaviŭ, što budzie sudzicca z kampanijaj.
U padrychtavanaj spravazdačy ab hiendarnym składzie kampanii, azahałoŭlenym jak «Ideałahičnaja recha-kamiera Google», była fraza ab tym, što «mahčymaści mužčyn i žančyn častkova adroźnivajucca z-za bijałahičnych pryčyn, i hetyja adroźnieńni mohuć tłumačyć, čamu ŭ technałahičnym siektary i ŭ kiraŭnictvie žančyny nie pradstaŭlenyja ŭ roŭnaj stupieni [z mužčynami]».
«Nam treba pierastać usprymać adroźnieńni pamiž mužčynam i žančynaj jak seksizm», — havorycca ŭ słužbovaj zapiscy, jakaja vyklikała buru abureńnia.
Poŭny tekst spravazdačy apublikavaŭ sajt Gizmodo.
Sundar Pinčai skazaŭ, što aŭtar tekstu «pierajšoŭ miažu» i što jon «raspaŭsiudžvaje škodnyja hiendernyja stereatypy ŭ kampanii».
Dakład supracoŭnika taksama raskrytykavała vice-prezident Google pa raznastajnaści, cełasnaści i kiravańni Daniel Braŭn.
Aŭtar pasta, adnak, adznačyŭ, što atrymaŭ «mnostva asabistych paviedamleńniaŭ ad inšych supracoŭnikaŭ sa słovami padziaki».
U liście, razasłanym supracoŭnikam Google u paniadziełak, Pinčai pisaŭ ab tym, što supracoŭniki majuć prava vykazvać svaje pohlady i što źmiest dakładu možna abmierkavać, niahledziačy na toje, što bolšaść supracoŭnikaŭ hety punkt hledžańnia nie padtrymlivaje.
Adnak, pisaŭ jon, mierkavać, što častka našych kalehaŭ maje rysy, jakija robiać ich mienš prydatnymi dla pracy, abraźliva.
«Heta supiarečyć našym bazavym kaštoŭnaściam i kodeksu pavodzin, jakija praduhledžvajuć, što kožny pavinien rabić usio mahčymaje dla stvareńnia atmaśfiery svabodnaj ad damahańniaŭ, zapałochvańnia, praduziataściaŭ i niezakonnaj dyskryminacyi», — napisaŭ Pinčai.
U svaju čarhu, Dejmar staŭ hierojem adnačasova dla amierykanskaj pravicy i prarasijskich levych. Tak, zasnavalnik «Vikiliks» Asanž prapanavaŭ Dejmaru pracu.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary