Navukoŭcy vyjavili, u jaki bok nachilajuć hałavu pry pacałunku bolšaść ludziej
Niejrabijołahi i psichołahi vyjavili, što pry pacałunku ludzi zvyčajna nachilajuć hałavu naprava, piša indicator.ru. Pavodle daśledavańnia, apublikavanamu ŭ časopisie Scientific Reports, heta źviazana nie z upłyvam niejkaj peŭnaj kultury, a z asablivaściami budovy hałaŭnoha mozhu.
U ekśpierymiencie prymali ŭdzieł 48 par z Banhładeša. Respandenty pavinny byli pacałavacca ŭ izalavanych pakojach, a zatym asobna ad partniora raspavieści pra roznyja aśpiekty pacałunku.
Vyśvietliłasia, što mužčyny inicyjujuć pacałunak u 15 razoŭ čaściej, čym žančyny, i ŭ bolšaści vypadkaŭ abodva partniory nachilali hałavu naprava.
Akramia taho, było vyjaŭlena, što kali inicyjataram pacałunku byŭ laŭšun, to hałavu jon nachilaŭ naleva. Druhi partnior, niezaležna ad viadučaj ruki, padładžvajecca pad jaho. Navukoŭcy vykazali zdahadku, što heta źviazana ź nieraŭnamiernym raźmierkavańniem harmonaŭ u paŭšarjach hałaŭnoha mozhu.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary