Telekanał raniej pracavaŭ tolki ŭ Barysavie, a ciapier vychodzić na ahulnanacyjanalny ŭzrovień, źjaŭlajučysia ŭ pakietach viaščańnia kabielnych apierataraŭ.
Aŭdytoryja — 0+, dla samych maleńkich hledačoŭ jość śpiecyjalnyja rubryki.
Kala 60% kantentu telekanał vyrablaje sam. Častka prahram ułasnyja, inšyja adaptavanyja.
Kanał pazicyjanuje siabie jak adukacyjny i kulturna-aśvietnicki. Chiba najbolš admietny prajekt — prahramy «Zrabi sam», dzie hledačam padkazvajuć, jak hatavać stravy, rabić cikavyja padarunki, pačać malavać, navieści idealny paradak, razabracca ŭ kampjutary, znajści novaje prymianieńnie starym rečam i inšaje. «Zrabi sam» vychodzić čatyry razy ciaham dnia.
Siarod inšych prajektaŭ — «Biełaruś samabytnaja», dzie pa-biełarusku raspaviadajuć pra adrodžanyja nacyjanalnyja tradycyi, abrady i śviaty, znajomiać ź biełaruskimi narodnymi pieśniami.
Taksama ŭ prahramie pieradač buduć raspoviady pra roznyja harady i krainy, parady daktaroŭ, recepty karysnych straŭ i napojaŭ, razmovy ź psichołaham, hutarki sa śviatarom i inšaje.
Kanał maje surdapierakład.
Zasnavalnik telekanała — TAA «Śvietłaje telebačańnie». Dyrektar i adnačasova hałoŭny redaktar kanała — Siarhiej Bilecki.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary