Biełaruskija vnu vyznačyli košt navučańnia dla studentaŭ pieršaha kursu na 2017-2018 navučalny hod, paviedamlaje BIEŁTA.
U pryvatnaści, u BDU košt navučańnia na dzionnaj formie dla pieršakurśnikaŭ dasiahaje 2 851 rubla u hod. Havorka idzie ab śpiecyjalnaściach «pravaznaŭstva» i «ekanamičnaje prava» (jurydyčny fakultet), a taksama «mižnarodnaje prava» (fakultet mižnarodnych adnosin). Nižej cana na fiłałahičnym fakultecie pa śpiecyjalnaściach «biełaruskaja fiłałohija (pa napramkach)», «ruskaja fiłałohija (pa kirunkach)», a taksama na fakultecie sacyjakulturnych kamunikacyj — «sacyjalnaja rabota (kirunak — sacyjalnaje prajektavańnie)» — 2 039 rubloŭ.
U BDUIR košt navučańnia na dzionnaj formie atrymańnia adukacyi dla ŭsich śpiecyjalnaściaŭ fakulteta kampjutarnaha prajektavańnia, fakulteta radyjotechniki i elektroniki i fakulteta telekamunikacyj składzie 2 255 rubloŭ, fakulteta infarmacyjnych technałohij i kiravańnia, inžynierna-ekanamičnaha fakulteta — 2 530 rubloŭ, fakulteta kampjutarnych sistem i sietak — 2 750 rubloŭ.
Za navučańnie na dzionnym adździaleńni ŭ BNTU pieršakurśniki zapłaciać ad 2 429,06 rubloŭ da 2 797,87 rubloŭ.
Bolš poŭnuju infarmacyju ab košcie navučańnia na płatnaj asnovie možna pahladzieć na sajtach ustanoŭ adukacyi.
Ceny dla tych, chto pastupaje na płatnyja adździaleńni pieršaha kursa, vyznačajucca zychodziačy ź nieabchodnych vydatkaŭ na padrychtoŭku śpiecyjalista pa kankretnaj śpiecyjalnaści.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary