Chadanovič napisaŭ kavier na vierš Kupały «Javar i kalina»
«Čyhunka» (kaver)
Tvar pravadnicy — cahlinaju.
Rejki, płatformy i špały.
Z radyjo kaver z Kalinaju
ljecca na słovy Kupały.
Słovami syplem darosłymi,
lečym dziciačyja traŭmy:
dzieŭki biaź viosłaŭ i ź viosłami,
płot, palihon i šłahbaumy.
Zhadkami pjanymi, rezkimi
rany dušeŭnyja hoim,
z žartami, časam habrejskimi,
choć nia ŭsio jasna nam, hojam.
Dobra havorycca ŭnočy nam
biez kapiušonaŭ i kiedaŭ.
«Vypjem za chłopčyka ź lotčykam,
kažuć, Haharyn ich viedaŭ!».
Chłopčyki ź nižnimi miescami
tostami krojać razmovy:
«Za čałavieka na miesiacy!» —
vypili. Kosmas, ty klovy!
Ciemra z kašmarami-marami
dychaje ŭ noč pieraharam.
Šepčucca katy z achviarami
ŭ sumnaj dalinie nad jaram.
Pieśnia na štoś namiakaje nam,
sucha zachodzić i čerstva…
Vypjem za Avela z Kainam
horkaj atruty braterstva.
Kamientary