Alaksandr Łukašenka 8 lipienia na respublikanskim śviacie «Kupalle» («Aleksandryja źbiraje siabroŭ») zaklikaŭ biełarusaŭ adradžać svaju małuju radzimu i rodnyja miaściny. Pra heta paviedamlaje pres-słužba kiraŭnika dziaržavy.
«Ja chaču źviarnucca da ŭsich tych, chto siońnia moža niešta zrabić dla krainy, asabliva da ludziej zamožnych, jakija majuć peŭnyja mahčymaści. Davajcie ŭ bližejšyja hady, chto kolki moža, chto jak moža, zrobim dla našaj małoj radzimy toje, što moža zrabić kožny. Ja ŭpeŭnieny: kali zamožny čałaviek, jaki naradziŭsia ŭ maleńkaj viosačcy i nie zabyŭsia na jaje, zrobić dla jaje choć niešta na praciahu troch, moža być, za piać hadoŭ, naša kraina budzie vydatnaja, jana budzie kvitniejučaj, - padkreśliŭ Alaksandr Łukašenka. - Tamu moj zaklik siońnia z majoj małoj radzimy da ŭsich tych, chto nie zabyŭsia svaju małuju radzimu: davajcie dla jaje zrobim maksimum, davajcie, staŭšy zamožnymi ludźmi (tyja, chto zdolnyja), zrobim dla hetych viosačak, račułak, dla maleńkich haradkoŭ i pasiołkaŭ toje, što my možam zrabić».
Łukašenka rastłumačyŭ, što jaho niadaŭniaje padarožža ŭ pasiołak Kopyś - heta sproba ŭładkavać Biełaruś, pakazać prykład, jakoj pavinna być naša kraina. «Padyšła čarha i da hetych maleńkich haradkoŭ, da niepierśpiektyŭnych viosak. My ich prosta pavinny vyratavać, my pavinny zrabić ich zručnymi dla žyćcia našych ludziej, dziaciej, unukaŭ», - adznačyŭ jon.
«Usia šmatviekavaja historyja biełaruskaha naroda krasamoŭna kaža pra toje, jak vysoka my cenim mir i dabrabyt na rodnaj ziamli. Jak bieražliva stavimsia da spadčyny minułych pakaleńniaŭ i ŭpeŭniena budujem sučasnaść i budučyniu svajoj dziaržavy. Hłyboka šanujem hierojaŭ, jakija adstajali niezaležnaść Ajčyny. Słavim vydatnych dziejačaŭ kultury, mastactva, jakija pa pravie źjaŭlajucca honaram našaj Biełarusi», - skazaŭ Alaksandr Łukašenka.
U ich hanarovym šerahu, źviarnuŭ uvahu kiraŭnik krainy, stajać vialikija pieśniary Biełarusi - Jakub Kołas i Janka Kupała, jubilejnyja daty z dnia naradžeńnia jakich ŭračysta adznačajucca ŭ hetym hodzie.
-
Hod cichaj baraćby. Jak pačuvajecca Tadevuš Kandrusievič, jaki ŭžo bolš za hod prachodzić chimijaterapiju
-
U Minsku prachodzić kryžovy chod z malitvami da zastupnikaŭ siamji
-
«Adpiłavała adzin blin ad bierviana i zrazumieła: heta majo». 23‑hadovaja majstarka lesu ź Vilejki pra vałku dreŭ i pracu ŭ laśnictvie
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary