Kancler FRH Anhieła Mierkiel nie ličyć, što na samicie G20 moža vystupić u roli pasiarednika pamiž prezidentam Rasii Uładzimiram Pucinym i amierykanskim lidaram Donaldam Trampam. Pra heta jana zajaviła žurnalistam u čaćvier pa prybyćci ŭ Hamburh na sustreču «hrupy dvaccaci», piša DW.
Kiraŭnik hiermanskaha ŭrada patłumačyła, što jaje rola zaklučajecca «nie ŭ tym, kab być pasiarednikam, a ŭ tym, kab unosić układ» va ŭrehulavańnie situacyi. Adpaviednaje pytańnie žurnalistaŭ prahučała nieŭzabavie paśla rezkich zajaŭ Trampa ŭ adras Rasii, zroblenych im padčas vizitu ŭ Polšču.
Kancler FRH vykazała nadzieju na toje, što dyjałoh u kułuarach hamburhskaha samitu, mahčyma, dazvolić prasunucca napierad va ŭrehulavańni siryjskaha kanfliktu. Akramia taho, pa jaje słovach, buduć zroblenyja sproby dla zbližeńnia pazicyj Kijeva i Maskvy. U subotu, 8 lipienia, na palach G20 moža adbycca sustreča prezidenta Francyi Emaniuela Makrona, prezidenta Rasii Uładzimira Pucina i Anhieły Mierkiel va ŭsiečanym «narmandskim» farmacie.
U kanclera FRH zapłanavanaja 45-chvilinnaja razmova z Trampam u adnym ź miascovych hatelaŭ pierad aficyjnym pačatkam samitu. Akramia taho, Mierkiel miarkuje, što ŭ ramkach G20 adbudziecca niaprostaje abmierkavańnie pytańniaŭ źmieny klimatu. «My ŭsio jašče znachodzimsia na stadyi pieramoŭ», — padkreśliła jana.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary