Tramp uvioŭ sankcyi suprać Kuby — da vyzvaleńnia ŭsich palitviaźniaŭ
Prezydent ZŠA Donald Tramp zajaviŭ ab admienie handlovych damoŭlenaściaŭ pamiž ZŠA i Kubaj, dasiahnutych jahonam papiarednikam Barakam Abamam.
Padčas vystupu ŭ štacie Floryda Tramp abviaściŭ ab namiery pierahledzieć damoŭlenaści, kab «zrabić ich značna lepšymi i dla narodu Kuby, i dla ZŠA».
«Ja admianiaju absalutna adnabakovaje pahadnieńnie papiaredniaj administracyi z Kubaj», — skazaŭ jon.
Zachady Trampa praduhledžvajuć taksama abmiežavańnie na pajezdki na Kubu dla amerykancaŭ i zabaronu na viadzieńnie biznesu z kubinskim vajskovym kanhlameratam GAESA, jaki, jak miarkujecca, kantraluje bolš za pałovu kubinskaj ekanomiki.
Tramp taksama choča abmiežavać hrašovyja płyni z ZŠA na Kubu i zabiaśpiečyć strohaje zachavańnie isnujučaj zabarony na turyzm, pakłaŭšy kaniec indyvidualnym pajezdkam. Takim čynam, ad hetaha času amerykancy zmohuć naviedvać vostraŭ tolki ŭ składzie hrupy.
Adnak, sioje-toje źmienaŭ nie zaznaje.
Tak, nie planujecca ŭvodzić novyja praviły dla spynieńnia isnujučych dziełavych kantaktaŭ, što pavinna supakoić amerykancaŭ, jakija apošnim časam układvali surjoznyja sumy ŭ supracoŭnictva z Kubaj. «Nia budzie nijakich źmienaŭ u praviłach lehalnaha ŭvozu takich papularnych tavaraŭ, jak rom i cyhary», — patłumačyli ŭ Biełym domie.
Donald Tramp adznačyŭ, što pasolstva ZŠA na Kubie praciahnie pracu. Taksama jon nie planuje admianiać pavietranyja i marskija znosiny z hetaj krainaj.
Tramp zajaviŭ, što ZŠA nia zdymuć sankcyjaŭ z Kuby, pakul u krainie nia vyzvalać usich palitviaźniaŭ.
ZŠA ŭviali embarha suprać Kuby ŭ 1960 hodzie, praz dva hady paśla taho, jak revalucyjaner-kamunist Fidel Kastra zrynuŭ dyktatara Batystu.
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary