Rasija na dziaržaŭnym uzroŭni nie zajmajecca chakierskimi napadami, a starajecca ź imi zmahacca, zajaviŭ prezident Rasii Uładzimir Pucin. Na jaho dumku, nijakija chakiery nie mohuć surjozna paŭpłyvać na chod vybarčaj kampanii, piša VVS.
«Ja hłyboka pierakanany, što nijakija chakiery nie mohuć kardynalna paŭpłyvać na chod vybarčaj kampanii ŭ inšaj krainie. Heta nie laža na śviadomaść vybarščykaŭ, śviadomaść naroda, nijakaja infarmacyja nie laža i nie paŭpłyvaje na kančatkovy vynik», — zajaviŭ jon na sustrečy z kiraŭnikami mižnarodnych infarmahienctvaŭ.
Pucin taksama zaŭvažyŭ, što peŭnaje značeńnie maje ahulny fon miždziaržaŭnych adnosin, paraŭnaŭšy chakieraŭ z mastakami.
«Tamu što chakiery — ludzi svabodnyja, jak mastaki, — nastroj u ich dobry, jany ŭstali z ranicy i karciny malujuć. Hetak ža i chakiery: jany pračnulisia siońnia, pračytali, što tam niešta adbyvajecca ŭ miždziaržaŭnych adnosinach, kali jany nastrojeny patryjatyčna, jany pačynajuć unosić svaju leptu, jak jany ličać pravilnym u baraćbie z tymi, chto drenna adklikajecca ab Rasii. Tearetyčna heta mahčyma», — skazaŭ rasijski prezident.
«Mahu sabie ŭjavić i taki varyjant, što śpiecyjalna niechta robić — vybudoŭvaje łancužok roznych napadaŭ takim čynam, kab krynicaj hetaj ataki pradstavić terytoryju Rasijskaj Fiederacyi», — dadaŭ Pucin.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary