Pieršy ŭ śviecie robat-palicejski Robocop dałučyŭsia da składu palicyi Dubaja, paviedamlaje vydańnie Arabian Business. U palicyi Dubaja adznačyli, što robat budzie dapamahać ludziam u hramadskich miescach, zmahacca z parušalnikami paradku i adkazvać za hramadskuju biaśpieku.
Robat z rostam 170 sm i vahoj 100 kh maje detektar emocyj, jaki raspaznaje žesty i vyrazy tvaraŭ ludziej z paŭtara mietraŭ. Rabakop navat moža aceńvać nastroj čałavieka (sumny, viasioły, ščaślivy) i źviartacca da jaho ŭ adpaviednaści z nastrojem.
Padčas patrulavańnia vulic robat-palicejski vykarystoŭvaje śpiecyjalnaje prahramnaje zabieśpiačeńnie, jakoje dapamahaje palicyi identyfikavać i adsočvać złačyncaŭ, jakija jość u bazie.
Pradstaŭniki palicyi Dubaja adznačajuć, što horad choča być suśvietnym lidaram u technałohijach smart cities («razumnyja harady»), tamu źjaŭleńnie Rabakopa — zychodny punkt dla realizacyi hetych płanaŭ.
Robat aryjentujecca na vulicach i ŭ pamiaškańniach z dapamohaj ubudavanaha navihatara, razmaŭlaje na šaści movach, adkazvaje na zapyty hramadzian, a taksama prymaje płaciažy za pasłuhi palicyi kredytnymi kartkami. Intehravanaja sistema dazvalaje padłučacca da sacyjalnych sietak, sistem štučnaha intelektu, mabilnych dadatkaŭ i veb-sajtaŭ.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary