17 traŭnia paśla viečarovaj imšy ŭ Čyrvonym kaściole ksiondz-probašč Uładysłaŭ Zavalniuk abviaściŭ prychadžanam ab haładoŭcy na znak niazhody z premjeraju filmu «Kod da Vinčy».
17 traŭnia paśla viečarovaj imšy ŭ Čyrvonym kaściole ksiondz-probašč Uładysłaŭ Zavalniuk abviaściŭ prychadžanam ab haładoŭcy na znak niazhody z premjeraju filmu «Kod da Vinčy».
Raniej ksiondz Uładysłaŭ byŭ zaprošany na pasiedžańnie Dziaržrehistru, jaki vyrašaŭ los karciny. Adrazu paśla prahladu pradstaŭniki kaściołu i pravasłaŭnaj carkvy vykazalisia suprać kinastužki.
Prakatčyki ž spasyłalisia na abaviazki pierad hledačami i kazali, što zabaronieny płod sałodki: «Prynamsi tydzień film budzie iści».
– Prynamsi tydzień ja budu trymać čysty post, – adkazaŭ na heta ksiondz-probašč.
Jon paraŭnaŭ premjeru karciny, pastaŭlenaj pa skandalnaj knizie Dena Braŭna, ź bluźnierstvami ateistyčnych časoŭ. «Kali nas, chryścijanaŭ, nia słuchajuć, to moža z Čyrvonaha kaściołu znoŭ zrabić Dom kino?»
Šče 13-aha j 14 traŭnia ŭ kaściole prajšli lekcyi prafesara Michała Ciaŭłoŭskaha pra knihu «Kod da Vinčy». A Ŭładysłaŭ Zavalniuk adpraviŭ list aŭtaru knihi, dzie zaklikaŭ da pakajańnia. U detektyŭnym trymcieńniku Den Braŭn abvinavačvaje carkvu ŭ zmovie schavać naščadkaŭ Chrysta j Maryi Mahdaleny i nazyvaje seks sapraŭdnym kodam Eŭcharystyi.
Mienskaja kinapremjera «Kodu da Vinčy» pryznačanaja razam z suśvietnaj – na 18-aje traŭnia.
«Kali vašych baćkoŭ abražajuć i prydumlajuć pra ich nieviadoma što, to vy možacie źviarnucca ŭ sud. A tut abraza samaha śviatoha – Chrysta,» – tłumačyć Uładysłaŭ Zavalniuk abvieščanuju haładoŭku.
Andrej Rasinski
Fota Andreja Lankieviča
Ciapier čytajuć
Ceny na paliva pavyšajucca na 4 kapiejki, a praz tydzień jašče na try1
Kamientary