U Estonii pačynajucca najbujniejšyja vajskovyja vučeńni z udziełam 2000 vajskoŭcaŭ ź inšych krain NATO
U Estonii ŭ paniadziełak pačynajucca vajskovyja vučeńni «Viasnovy štorm» z udziełam kala 9 tysiač vajskoŭcaŭ Estonii, a taksama dziaržavaŭ-sajuźnikaŭ pa NATO i partneraŭ. Padobnyja vučeńni pravodziacca ŭžo ŭ 15 raz, ale ciapierašnija — samyja bujnyja ŭ paraŭnańni z papiarednimi maneŭrami.
U asnoŭnym vajskovyja hulni projduć na poŭnačy i paŭnočnym uschodzie krainy, a taksama i ŭ inšych miescach, paviedamlaje pres-słužba hałoŭnaha štabu Siłaŭ abarony Estonii.
«Pierš za ŭsio, «Viasnovy štorm» — heta ispyt na stałaść dla vajskoŭcaŭ terminovaj słužby, jakija pakažuć, čamu jany navučylisia. Heta vučeńni ŭzbrojenych siłaŭ Estonii, u jakich usio bolšy ŭdzieł prymajuć i chaŭruśniki — sioleta bolš za 2000 sałdat, — skazaŭ kamandujučy Siłami abarony hienerał Rycha Teras. — Asabliva važna, što naša 1-ja piachotnaja bryhada zmoža adpracoŭvać uzajemadziejańnie z chaŭruśnikami ź Vialikaj Brytanii, Francyi i Danii».
U asnoŭnym u «Viasnovym štormie» zadziejničanyja piachotnyja čaści i padraździaleńni, ale da vučeńniaŭ buduć pryciahnutyja taksama vajenna-marskija i vajenna-pavietranyja siły.
U vučeńniach udzielničaje ciažkaja bajavaja technika Siłaŭ abarony Estonii, a taksama tanki M1A2 Abrams, Challenger 2 i Leclerc, bajavyja mašyny piachoty Warrior, Bradley, VBCI sajuźnikaŭ pa NATO.
Akramia brytancaŭ, francuzaŭ, datčan i amerykancaŭ, što bazujucca ŭ vajennym haradku Tapa, u Estoniju admysłova dla ŭdziełu ŭ vučeńniach prybyvajuć sałdaty i aficery z Kanady, Niamieččyny, Niderlandaŭ, Polščy, Finlandyi, Švecyi, Łatvii, Litvy, Ukrainy i Hruzii. Z pavietra ich padtrymlivajuć avijacyjnyja srodki z ZŠA, Polščy, Belhii i Hišpanii. Zavieršacca maneŭry 25 traŭnia na Centralnym palihonie Siłaŭ abarony Estonii.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary