U punkcie propusku Kamienny Łoh na miažy ź Litvoj staić vializnaja čarha z 500 hruzavikoŭ — jany čakajuć na vyjeździe ź Biełarusi.
Takija dadzienyja padaje pa stanie na 14.00 sajt Dziaržaŭnaha pamiežnaha kamiteta, piša «Jeŭraradyjo». Heta značnaja kolkaść navat dla vychodnych i śviatočnych dzion.
Na inšych punktach propusku ŭ litoŭskim kirunku taksama jość čerhi: Bieniakoni — 141 hruzavik, Pryvałka — 88, Katłoŭka — 60.
Na litoŭskaj miažy jość i čerhi lehkavikoŭ: Kamienny Łoh — 150, Katłoŭka — 60, Łoša — 50, Bieniakoni — 34.
Vialikija čerhi stajać i ŭ abodvuch punktach na łatvijskaj miažy: 200 hruzavych mašyn u Hryharoŭščynie i 150 va Urbanach.
Na polskaj miažy zanadta vialikich čerhaŭ praktyčna niama, maksimalny zator — 100 hruzavikoŭ u Bierastavicy, jakija stajać na ŭjeździe ŭ Biełaruś. U inšych punktach propusku čerhi składajuć pa 20-50 mašyn.
Na ŭkrainskaj miažy prajezd całkam volny.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju4
Kamientary