U biełaruskim avijacyjnym asiarodździ zaniepakojenyja rašeńniem rasijskaha boku ŭvieści pahrankantrol dla zamiežnych hramadzian na rejsach pamiž Biełaruśsiu i Rasijaj. Heta moža paŭpłyvać na patoki tranzitnych pasažyraŭ, jakim pry palocie praź Minsk pryjdziecca prachodzić pahrankantrol niekalki razoŭ.
— Pytańni z nahody takoha rašeńnia ŭźnikajuć va ŭsich, — kaža namieśnik dyrektara Departamienta pa avijacyi Iryna Marozava. - U nas dastatkova šmat punktaŭ pryznačeńnia ŭ Rasii, u tym liku jość takija, jakija nie abstalavany mižnarodnymi terminałami. Naprykład, aeraport u Najabrsku — nie mižnarodny aeraport, tam niama pamiežnaha kantrolu. Napeŭna, budziem pisać zapyty ŭ MZS, Dziaržpahrankamitet, Dziaržaŭny mytny kamitet - pra toje, što nam rabić u takoj situacyi.
TUT.BY viadoma, što Rasavijacyja rassyłała paviedamleńnie ab budučych źmienach rasijskim aeraportam jašče 10-11 krasavika. Adznačałasia ŭ paviedamleńni i toje, što ŭžo z apoŭnačy 12 krasavika «Biełavija» nie zmoža vykanać čartary Minsk — Najabrsk — Minsk i Minsk — Novy Urenhoj - Minsk, a taksama ŭsie nastupnyja rejsy ŭ hetyja harady i inšyja aeraporty Rasii, jakija nie źjaŭlajucca mižnarodnymi. Tuju telehramu admianili, ale da hetaha času nieviadoma, što budzie z čartaram dla vachtavikoŭ-naftavikoŭ paśla taho, jak novyja praviły ŭjezdu paćvierdzili aficyjna.
Z nahody rehularnych rejsaŭ Iryna Marozava adznačaje:
— Zychodziačy z taho lista, jaki dasłała Rasavijacyja, biełaruskija pasažyry niby jak nie pacierpiać — u Rasii jany buduć prachodzić pa sproščanym pryncypie. Ale tyja pasažyry, jakija jeduć praź Biełaruś tranzitam, pavinny buduć prachodzić dvajny pahraničny kantrol. Spačatku jany ŭ nas prachodziać kantrol — u ramkach JEAES kantrol idzie na źniešniaj miažy, a pieršy ŭjezd — heta Respublika Biełaruś. Druhi kantrol budzie ŭ rasijskim aeraporcie, pa prylocie.
— Ci moža situacyja paŭpłyvać na pryvabnaść tranzitnych pieravozak praź Biełaruś?
— Viadoma, moža - my hetym taksama zaniepakojenyja.
Iryna Marozava pryvodzić dadzienyja: u 2015 hodzie ŭ Biełarusi dola tranzitnych pasažyraŭ dasiahnuła 34% ad ahulnaha pasažyrapatoku, a ŭ 2016 - 48,9%.
- Heta vielmi dobraja ličba. My razumiejem, što popyt naradžaje prapanovu: i aeraport, i avijakampanija prykładali maksimum namahańniaŭ, kab byli zručnyja stykoŭki, zručnyja napramki - vy pamiatajecie, što i ceny źnižalisia, i servis palepšyŭsia. Niadaŭna byŭ rejtynh punktualnaści - heta ŭsio siońnia dazvalaje pasažyram zručna lotać i nie hublać stykoŭki ŭ składanych maršrutach. Tamu pytańnie tranzitu nas vielmi chvaluje.
Kamientary