Ahienctva Reuters paviedamiła ab tym, što ahulnaja kolkaść rasijskich vajskoŭcaŭ, što zahinuli ŭ Siryi z kanca studzienia 2017 hoda, vyrasła minimum da 21-ho paśla atrymańnia infarmacyi ab śmierci dvuch kantraktnikaŭ — Alaksieja Safonava i Uładzimira Plucinskaha.
Ahienctva hruntuje svaje źviestki na infarmacyi, atrymanych ad susiedziaŭ i svajakoŭ zabitych, a taksama miascovych čynoŭnikaŭ. Takim čynam, havorka tolki pra tych, pra čyju śmierć stała publična viadoma. Ahulnaja ž kolkaść zabitych moža być jašče bolšaj.
Žurnalisty źviazvajuć achviary z bajami za horad Palmiru, jaki pierachodziŭ z ruk u ruki.
U toj ža čas Ministerstva abarony Rasii, pavodle źviestak ahienctva, za hety ž pieryjad paviedamlała pra śmierć tolki piaciarych vajskoŭcaŭ.
U Minabarony zajavili, što zhadanyja ŭ materyjale ludzi nie słužać u rasijskaj armii.
Rasijskija žurnalisty vykazvajuć mierkavańnie, što zabityja byli kantraktnikami i vajavali ŭ Siryi farmalna jak supracoŭniki pryvatnaj vajennaj kampanii. Darečy, svajaki zabitych raskazali, što raniej jany ž vajavali na Danbasie.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma19
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary