Premjera śpiektakla «Karjera doktara Rausa», u jakim raskazvajecca historyja Francyska Skaryny jak čałavieka, jaki naradziŭsia značna raniej svajoj epochi, adbudziecca u Respublikanskim teatry biełaruskaj dramaturhii 19 krasavika.
Pjesu «Karjera doktara Rausa» Viktar Marcinovič skončyŭ pisać u lutym minułaha hoda paśla praciahłaha vyvučeńnia małaviadomych krynic pra žyćcio biełaruskaha pieršadrukara. Praź niekalki miesiacaŭ hety materyjał byŭ adznačany śpiecyjalnym pryzam konkursu «Francysk Skaryna i sučasnaść», dzie adnoj z uznaharod była mahčymaść u chutkim časie ŭbačyć tekst na scenie RTBD. Kalektyŭ teatra abraŭ tvor Marcinoviča.
«Karjera doktara Rausa» — heta pra nas z vami, pra toj čas, u jakim my žyviem, tamu što sa skarynavaj pary amal ničoha nie źmianiłasia: usio tyja ž sudździ, miełanchtony dy hanarlivyja lutary navokał… U skarynavych niaŭdačach, badziańni pa śviecie možna pabačyć losy šmat jakich jaho nastupnikaŭ. Heta kandensavanaja formuła biełaruskaj karmy. U hetym sensie tvor i pra Aleksijevič, i pra Michałka, i pra ŭsich tych, chto, badziajučysia pa zamiežžy, sprabuje ŭsłavić radzimu», — raspavioŭ «NN» Viktar.
Na hety momant scenu ŭžo pabačyli dźvie pjesy Marcinoviča: «Samaje lepšaje miesca na śviecie» u vykanańni vienskaha teatra «Ganymed» i «Daśpiechi praviednaści» (toj ža «Ganymed» pastaviŭ jaje ŭ Insbruku). U Biełarusi śpiektakli pa tekstach litaratara da hetaha času nie rabilisia.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2020
Kamientary