Turcyja vymušanaja prypynić dypłamatyčnyja kantakty na vysokim uzroŭni ź Niderłandami na fonie dypłamatyčnaha kanfliktu, zajaviŭ turecki vice-premjer Numa Kurtułmuš, paviedamlaje VVS.
Jon taksama zajaviŭ ab mahčymaści pierahladu pahadnieńnia ź Jeŭrasajuzam ab mihracyi.
«My robim roŭna toje ž samaje, što robiać i jany ŭ adnosinach da nas. My nie dazvolim rejsam z dypłamatami ź Niderłandaŭ pryziamlacca ŭ Turcyi abo vykarystoŭvać našu pavietranuju prastoru. Tyja, chto stvaryŭ hety kryzis, niasuć adkaznaść za jaho ŭrehulavańnie», — skazaŭ Kurtułmuš.
U subotu niderłandskija ŭłady nie dazvolili dvum tureckim ministram — spačatku kiraŭniku MZS Turcyi Mieŭlutu Čavušahłu, a paźniej ministru pa spravach siamji i sacyjalnaj palityki Turcyi Facimie Bieciul Sajam Kaje — vystupić u Raterdamie pierad hramadzianami Turcyi, jakija žyvuć u Niderłandach.
Ułady Niderłandaŭ nie dazvolili Čavušahłu ŭjechać u krainu, a Sajan Kaje eskartavali da niamieckaj miažy.
Tureckija čynoŭniki źbiralisia pierakanać svaich suhramadzian padtrymać źmieny ŭ kanstytucyi Turcyi, jakija značna pašyrajuć paŭnamoctvy prezidenta. Refierendum pa hetym pytańni pryznačany na 16 krasavika.
Raniej ułady Aŭstryi, Hiermanii i Šviejcaryi taksama zabaranili vystupy tureckich aficyjnych asob, spasłaŭšysia na mahčymyja prablemy biaśpieki.
Paśla hetaha prezident Turcyi Redžep Taip Erdahan paraŭnaŭ Niderłandy z «bananavaj respublikaj», zapatrabavaŭ ad mižnarodnych arhanizacyj uvieści sankcyi suprać hetaj krainy i abvinavaciŭ krainy Zachadu ŭ isłamafobii. «Ja kazaŭ, što z nacyzmam skončana, ale ja pamylaŭsia, nacyzm žyvy na Zachadzie», — zajaviŭ jon.
Kancler Hiermanii Anhieła Mierkiel nazvała hetyja vykazvańni nieprymalnymi i vykazała Niderłandam «poŭnuju padtrymku i salidarnaść».
Premjer-ministr Niderłandaŭ Mark Rute taksama nazvaŭ hetyja zajavy Erdahana nieprymalnymi. Ministr zamiežnych spraŭ Hiermanii Zihmar Habryel vykazaŭ nadzieju na toje, što Turcyja «ačomajecca».
Premjer-ministr Danii Łars Leka Rasmusen adkłaŭ zapłanavanuju sustreču z tureckim kaleham Binali Jyłdyrymam, zajaviŭšy, što demakratyčnyja pryncypy znachodziacca ŭ Turcyi pad žorstkim presinham.
U paniadziełak Niderłandy papiaredzili svaich hramadzian ab nieabchodnaści prajaŭlać aściarožnaść va ŭmovach napružanaści ŭ adnosinach dźviuch krain.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia4
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary