Za zabojstva pradprymalnika i jaho syna ŭ Babrujsku Mahiloŭskim abłasnym sudom braty Mahamied i Namih Adžachvierdyjevy (hramadzianin Kazachstana i hramadzianin Hruzii) prysudžanyja da 24 i 25 hadoŭ pazbaŭleńnia voli adpaviedna, paviedamlaje BiełTA.
Złačynstva było ździejśniena ŭ vieraśni 2001 hoda. Žychar Babrujska staŭ achviaraj razbojnaha napadu, jakoje zaviaršyłasia zabojstvam z asablivaj žorstkaściu. Abvinavačanyja, viedajučy, što ŭ indyvidualnaha pradprymalnika ŭ najaŭnaści bujnaja suma hrašaj, napali na jaho, nanieśli mnostva udaraŭ pa hałavie, ad jakich paciarpieły ŭ vyniku adkrytaj čerapna-mazhavoj traŭmy pamior na miescy zdareńnia. Paśla hetaha złačyncy zavałodali majomaściu zabitaha ŭ asabliva bujnym pamiery na ahulnuju sumu bolš za 9 młn biełaruskich rubloŭ (niedaminavanych), raspaviała aficyjny pradstaŭnik upraŭleńnia Śledčaha kamiteta pa Mahiloŭskaj vobłaści Aksana Saleniuk.
Paśla ździajśnieńnia zabojstva, zavałodaŭšy klučami, abvinavačanyja pranikli ŭ kvateru zabitaha. Toje, što tam była žonka zabitaha i dvoje małaletnich dziaciej, złačyncaŭ nie źbiantežyła. Pahražajučy nažom, jany źviazali žančynu i jaje małaletnich dziaciej, sunuli im u rot klapy i zapatrabavali hrošaj.
Abšukaŭšy kvateru, braty zavałodali hrašyma i majomaściu jašče amal na $70 tys. Potym adkryli vientyli hazavaj plity na kuchni, źbiehli ź miesca złačynstva.
Susiedzi, pačuŭšy kryki ab dapamozie, vyklikali milicyju. Žančyna i jaje małaletniaja dačka byli vyratavany. Adnak ad miechaničnaj aśfiksii nastupiła śmierć jaje syna.
Amal 11 hadoŭ heta złačynstva zastavałasia nieraskrytym. Uvieś hety čas pravodziłasia sistematyčnaja praca pa jaho raskryćci, ŭstaloŭvałasia miescaznachodžańnie padazravanych asob.
U supracoŭnictvie z pravaachoŭnymi orhanami Rasii było ŭstanoŭlena miescaznachodžańnie padazronych. Braty Mahamied i Namih Adžachvierdyjevy byli znojdzienyja ŭ Rasii, ale zatrymlivać ich nie pryjšłosia: abodva adbyvali praciahłyja terminy ŭ kałonijach za bandytyzm. U minułym hodzie paśla praciahłych pracedur rasijski bok pryniaŭ rašeńnie ab časovaj, na try miesiacy, vydačy bratoŭ biełaruskamu boku dla praviadzieńnia śledstva.
Sudovaja kalehija pa kryminalnych spravach Mahiloŭskaha abłasnoha suda abviaściła prysud. Mahamied Adžachvierdyjeŭ i jaho brat Namih asudžanyja da 24 i 25 hadoŭ pazbaŭleńnia voli adpaviedna.
«Prysud nie ŭstupiŭ u zakonnuju siłu i moža być abskardžany i apratestavany. Braty vyzvalenyja ad pryznačanaha pakarańnia pa č.3 art.207 (razboj) KK RB u suviazi sa skančeńniem terminaŭ daŭnaści pryciahnieńnia da kryminalnaj adkaznaści», — skazali ŭ abłasnym sudzie.
Kamientary