Turecki piśmieńnik Archan Pamuk raskrytykavaŭ Nobieleŭskuju premiju dla Aleksijevič i Dyłana
Viadomy turecki aŭtar, łaŭreat Nobieleŭskaj premii pa litaratury za 2006 hod Archan Pamuk raskrytykavaŭ rašeńni Nobieleŭskaha kamiteta apošnich hadoŭ. Heta adbyłosia ŭ Maskvie padčas ŭručeńnia premii «Jasnaja palana».
«Ja daviedaŭsia pra Nobiel Boba Dyłana ŭ Ńju-Jorku, i ja byŭ mocna rasčaravany. U śviecie stolki hodnych amierykanskich piśmieńnikaŭ, jakija vartyja premii. A ŭručajuć muzykantu. Dumaju, u hety dzień mnohija piśmieńniki byli pakryŭdžanyja», — skazaŭ Pamuk u intervju rasijskamu ahienctvu TASS.
«A za hod da hetaha Nobiela atrymała žurnalistka [Śviatłana Aleksijevič]. Kaniečnie, Nobieleŭski kamitet maje prava na sprečnyja rašeńni. Ale mnie chočacca, kab premiju davali tym, chto viadomy dziakujučy litaratury», — adznačyŭ litaratar.
Archan Pamuk atrymaŭ Nobiela, jak piśmieńnik, jaki «ŭ pošukach miełanchaličnaj dušy svajho rodnaha horadu adkryŭ novyja simvały sutyknieńnia i pieraplacieńnia kulturaŭ». Rodny horad Pamuka — Stambuł. A adna z samych znakavych knih — «Stambuł. Horad uspaminaŭ».
U Turcyi Pamuk ličycca sprečnaj postaćciu, bo zakranuŭ na mižnarodnaj arenie tabujavanuju temu hienacydu armian. U Turcyi navat palili na vulicach jaho knihi.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary