Minčuki naznosili abaroncam Kurapat ceły namiot praduktaŭ, ź Vilejki pryvieźli drovy FOTY
Kala budplacoŭki stajać šeść namiotaŭ. Adzin ź ich pieratvorany ŭ praduktovy skład. Jon całkam zavaleny prypasami. Minčuki nanieśli sasisak, cukierak, kavy, piečyva. Jość zhuščonka i kietčupy. Chleba nasypali ceły miech.
Žychary stalicy ź simpatyjaj pastavilisia da pratestoŭcaŭ suprać pabudovy ofisnaha centra la Kurapat. Ručainka ludziej ciahnułasia tudy cełyja vychadnyja. Na impravizavanym stale z paddonaŭ staić dziasiatak termasaŭ.
Jak kažuć «vachtaviki», maksimum narodu było kala 17.00, kali 80 pratestantaŭ z adnoj ź minskich cerkvaŭ pryjechali tudy na maleńnie. Uviečary a 20-j karespandent «Našaj Nivy» naličyŭ na placoŭcy 80 čałaviek. Mužčyn i žančyn prykładna paroŭnu.
Pratestoŭcy pastavili 4 kryžy. Na parkanie visiać zdymki rasstralanych u Kurapatach i infarmacyja pra miemaryjał.
Žycharka stalicy Taćciana Hacura-Javorskaja pryviezła ekran i prajektar i pakazvała videafilmy pra ludziej, što prajšli praz stalinskija łahiery.
Udzielniki namiotavaha miastečka padparadkoŭvajucca cieślaru Źmitru Daškieviču, apranutamu ŭ daždžavik.
Na našych vačach hrupa chłopcaŭ na čale z nastaŭnikam fizkultury ź Vilejki pryviezła na lehkaviku drovy. A miadźviedziavaty mužčyna pryciahnuŭ Daškieviču vialikuju kanistru paliva dla elektrahienieratara.
«Padčas pieršaha stajańnia ŭ Kurapatach ničoha takoha nie było, — uspaminaje Daškievič. — Nam jeści nie było čaho. Jak źmianiłasia atmaśfiera!» — kaža jon.
Ludzi hrejuć ruki kala vohniščaŭ, raźviedzienych u bočkach.
Pad nahami raskładzienyja paddony. kab nohi nie mokli. Paŭz namioty časam prachodziać amapaŭcy. Achova namiotaŭ trymaje ź imi kanstruktyŭny kantakt.
Abaroncy Kurapat ličać, što pryncypova važna zaŭtra a 8-j ranku nie dapuścić pačatku budaŭničych rabot. Na dumku Nasty Daškievič, hety momant budzie klučavy.
Najvyšejšaha napiaćcia emocyi dasiahnuli byli ŭ piatnicu, kali adzin z pratestoŭcaŭ, minčuk Siarhiej Palčeŭski, prykuŭ siabie da MAZa budaŭnikoŭ. Jaho sprabavali zatrymać, ale narod uziaŭ jaho ŭ koła i nie dapuściŭ.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha6
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary