Narviežskaja avijakampanija Norwegian Air Shuttle ASA pradstaviła novy taryf: pačynajučy ź siaredziny lipienia, kampanija prapanuje transatłantyčnyja rejsy za 65 dalaraŭ u adzin bok, paviedamlaje VVS.
Za hetuju canu možna budzie palacieć z aeraportaŭ u Ńju-Jorku i Kalifornii da niekalkich punktaŭ pryznačeńnia ŭ Brytanii i Irłandyi. 65 dalaraŭ pry hetym — cana samaha tannaha kvitka na taki rejs. Standartny kvitok budzie kaštavać 99 dalaraŭ.
Ciapier transatłantyčny rejs z Dublina ŭ Ńju-Jork kaštuje ad 655 da 2755 dalaraŭ, pakazvaje ahienctva Rejter.
«Ja płaču za toje, što treba mnie, vy płacicie za toje, što treba vam. My nie płacim za toje, što treba ŭsim astatnim pasažyram samalota», — rekłamuje taryf aficyjny pradstaŭnik kampanii Anders Lindstrom, nie tłumačačy, zrešty, za košt čaho kampanii ŭdałosia nastolki źnizić ceny.
Praca Norwegian Air Shuttle ASA u ZŠA ŭžo na praciahu niekalkich hadoŭ vyklikaje pratesty amierykanskich kampanij, jakija abvinavačvajuć narviežcaŭ u dempinhu.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary