U Biełarusi, pavodle papiarednich danych, na pačatak 2017 hoda kolkaść mužčyn skłała 4 427 tys. čałaviek — heta na 6 tys. bolš, čym było hod tamu. Pra heta paviedamili ŭ Nacyjanalnym statystyčnym kamitecie.
Try čverci mužčynskaha nasielnictva respubliki — haradžanie. Kožny piaty mužčyna žyvie ŭ Minsku.
Siaredni ŭzrost biełaruskich mužčyn składaje 37 hadoŭ. Pryčym mužčyny, jakija pražyvajuć u sielskaj miascovaści, starejšyja za mužčyn-haradžan.
U ahulnaj kolkaści mužčyn 65 pracentaŭ znachodziacca ŭ pracazdolnym uzroście, 16 pracentaŭ — starejšyja za pracazdolny, kožny piaty — va ŭzroście małodšym za pracazdolny. Siarod zaniatych u ekanomicy respubliki mužčyny składajuć 49,3 pracenta. Tradycyjna pieravažna mužčynskimi źjaŭlajucca takija vidy ekanamičnaj dziejnaści, jak pramysłovaść, budaŭnictva i transpart.
U 2016 hodzie šlub zaklučyli 64,5 tys. mužčyn, pry hetym upieršyniu stvaryli siemji 46,1 tys. mužčyn. Stvareńniu siamji mužčyny addajuć pieravahu va ŭzroście 20-29 hadoŭ. Pryčym kožny treci mužčyna, jaki zaklučyŭ šlub u minułym hodzie, znachodziŭsia va ŭzroście 25-29 hadoŭ, kožny čaćviorty — va ŭzroście 20-24 hady.
23 lutaha adznačajecca Dzień abaroncaŭ Ajčyny i Uzbrojenych Sił Respubliki Biełaruś. Hety dzień mnohimi ŭsprymajecca taksama jak śviata mužčyn.
U ahulnaj kolkaści nasielnictva Biełarusi na praciahu doŭhaha pieryjadu času ŭdzielnaja vaha mužčyn zastajecca niaźmiennaj — 46,6 pracenta.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma19
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary