Prezident ZŠA Donald Tramp vykanaŭ adno sa svaich pieradvybarnych abiacańniaŭ i padpisaŭ ukaz ab budaŭnictvie ściany na miažy Złučanych Štataŭ ź Mieksikaj. Jon pa-raniejšamu nastojvaje, što płacić za ścianu ŭ vyniku budzie Mieksika, pieradaje VVS.
U sieradu ŭ intervju ABC News Tramp zajaviŭ, što Mieksika «absalutna, na 100%» pakryje ZŠA košt ściany.
«My pačniom hetyja pieramovy davoli chutka. I nam — ŭ niejkaj formie — pakryje vydatki Mieksika», — zajaviŭ Tramp.
«Ja prosta kažu vam, što budzie płaciož. Jon budzie ŭ niejkaj formie — mahčyma, u składanaj formie, — i vy pavinny zrazumieć heta. Toje, što ja rablu, — na karyść Złučanych Štataŭ», — dadaŭ jon.
Pa słovach Trampa, jaho płan taksama pojdzie na karyść Mieksicy.
Mieksikanskija ŭłady ŭ minułym nie raz zajaŭlali, što nie majuć namieru płacić za ścianu.
Tramp taksama padpisaŭ ukaz, jaki robić bolš žorstkaj palityku ŭ dačynieńni da tak zvanych haradoŭ-schoviščaŭ.
Raniej jaho pres-sakratar Šon Spajsier rastłumačyŭ, što harady nakštałt San-Francyska admaŭlajucca supracoŭničać ź fiederalnymi ŭładami pa pytańni baraćby ź nielehalnaj imihracyjaj. Tramp u vypadku takoj admovy choča zrezać im finansavańnie.
Ahienctva Rejter taksama paviedamlaje, što ŭ bližejšyja dni Tramp uviadzie časovuju zabaronu na ŭjezd u ZŠA biežancaŭ, a taksama prypynić vydaču viz dla hramadzian Siryi i jašče niekalkich krain Blizkaha Uschodu i Afryki.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary