Hod italjanskaj kultury ŭ Biełarusi pačaŭsia 23 studzienia. Prezientacyju prahramy hetaj hramadska-kulturnaj inicyjatyvy, jakaja ŭklučaje kala 30 mierapryjemstvaŭ na praciahu hoda, na pres-kanfierencyi ŭ Minsku praviali ministr kultury Biełarusi Barys Śviatłoŭ i pasoł Italii Stefana Bjanki.
Mierapryjemstvaŭ, źviazanych ź italjanskaj kulturaj, z kožnym hodam u Biełarusi ŭsio bolšaje, zaznačyŭ italjanski dypłamat. Bjanki padziakavaŭ biełaruskim uładam za spryjańnie, asabliva za tuju padtrymku, jakuju jany akazali Italii dla arhanizacyi takoj maštabnaj inicyjatyvy, jak Hod italjanskaj kultury.
«U hetaj inicyjatyvy jość jašče adna pryčyna akramia taho, što jana spryjaje rostu našych mierapryjemstvaŭ, — skazaŭ dypłamat. — Sioleta my adznačajem 25-hodździe ŭstanaŭleńnia dypłamatyčnych adnosin pamiž Italijaj i Biełaruśsiu. My vyrašyli, što było b vydatna arhanizavać takoje bujnoje mierapryjemstva, jakoje b u poŭnaj miery charaktaryzavała našy adnosiny».
Bolš za ŭsio ŭ prahramie Hoda italjanskaj kultury vystavačnych mierapryjemstvaŭ. Pasolstva Italii padrychtuje nacyjanalny paviljon na XXIV Minskaj mižnarodnaj knižnaj vystavie-kirmašy, jakaja projdzie 8—12 lutaha. Uviesnu ŭ biełaruskaj stalicy projduć Dzień italjanskaha dyzajnu i historyka-dakumientalnaja vystava Ever Closer Union, 8-my modny pakaz «Moda Italija» i italjanski dzień na Biełaruskim tydni mody, a taksama vystava fatahrafij da 25-hodździa biełaruska-italjanskich dypłamatyčnych adnosin.
Uletku biełarusaŭ čakaje vystava italjanskaha mastaka-futurysta Džerarda Datore «Trypcich chutkaści», vosieńniu pradstaŭniki Italii paŭdzielničajuć u vystavie «Francysk Skaryna i jaho epocha» i mierapryjemstvach Miesiaca fatahrafii ŭ Minsku. Sioleta biełarusy taksama zmohuć naviedać vystavu muranskich mastackich vyrabaŭ sa škła.
U lutym akciory Nacyjanalnaha akademičnaha dramatyčnaha teatra imia Maksima Horkaha pakažuć kamiedyju «Karčmarka» Karła Haldoni ŭ pastanoŭcy italjanskaha režysiora Matea Spjacy. Śpiektakl «Pansijon Bielvieder» pad režysuraj Spjacy ŭ sakaviku pastavić kalektyŭ Biełaruskaha dziaržaŭnaha teatra lalek. Italjanskija artysty voźmuć udzieł u V Mižnarodnym forumie vuličnych teatraŭ u mai, a ŭ červieni pa vulicach Minska projduć ściahanoscy z Hubia.
Dyjałoh pradstaŭnikoŭ dziełavych kołaŭ dźviuch krain budzie arhanizavany na niekalkich mierapryjemstvach viasnoj hetaha hoda — na kruhłym stale da 60-j hadaviny padpisańnia rymskich damovaŭ ab stvareńni Jeŭrapiejskaha ekanamičnaha sajuza, a taksama na I italjanska-biełaruskim forumie pa «zialonaj ekanomicy» i adnaŭlanych krynicach enierhii.
Vosieńniu ŭ Minsku projduć tradycyjnyja mierapryjemstvy — XVII Suśvietny tydzień italjanskaj movy i II Suśvietny tydzień italjanskaj kuchni.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii34
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary