Litoŭski bok robić usio, kab dezavujavać vysnovy SEED-misii pa Biełaruskaj AES. Takim čynam pres-sakratar MZS Biełarusi Dźmitryj Mirončyk prakamientavaŭ zajavu źniešniepalityčnaha viedamstva Litvy pra toje, što ekśpierty słužby MAHATE pa ahladzie placoŭki i kanstrukcyj atamnych ab`iektaŭ z ulikam źniešnich pahroz (SEED-misija) pravodziać acenku BiełAES, jakaja budujecca, nie ŭ poŭnym ab`iomie.
«Na žal, dobryja naviny našym litoŭskim partnioram nie vielmi patrebnyja. Ci, skažam tak, nijakaja navina pra Biełaruskuju AES nie budzie dla ich dastatkova dobraj», — adznačyŭ Mirončyk, słovy jakoha apublikavanyja na sajcie MZS.
«U hetym vypadku heta vidavočna jak nikoli, — skazaŭ Mirončyk. — Za sutki da pres-kanfierencyi kiraŭnictva misii MAHATE, nie čakajučy jaje vysnovaŭ, nie dajučy šancu vykazacca ekśpiertam, jakija siońnia zaniatyja padrychtoŭkaj vynikovych dakumientaŭ, litoŭski bok robić usio, kab dezavujavać vysnovy i samu misiju ahienctva».
«Na hetym fonie charakterna, što padstavaj dla vykazvańnia spadara Linkiavičusa staŭ niejki list hienieralnaha dyrektara MAHATE, jaki im nie pryvodzicca i nie cytujecca. Nielha ž ličyć cytataj spasyłku na niejkich «pradstaŭnikoŭ MAHATE», jakija, pavodle słoŭ litoŭskaha boku, paćvierdzili niejkija aściarohi Vilniusa ŭ dačynieńni da farmatu misii?» — dadaŭ jon.
Pres-sakratar MZS źviarnuŭ uvahu, što biełaruski bok nie zajaŭlaŭ pra toje, što farmat misii vyznačaŭsia MAHATE. «Litoŭski bok vykarystoŭvaje prosty pryjom: abviarhaje zajavy, jakija sam prypisvaje apanientam», — skazaŭ Mirončyk.
Jon zaklikaŭ pavažać aŭtarytet i mierkavańnie mižnarodnych struktur, a taksama dać ekśpiertam MAHATE i biełaruskim śpiecyjalistam «spakojna skončyć svaju pracu».
19 studzienia MZS Litvy apublikavała na svaim sajcie paviedamleńnie z zajavaj, što misija SEED na Biełaruskaj AES pravodzicca nie ŭ poŭnym ab`iomie, a rašeńnie ab tym, što kankretna buduć aceńvać ekśpierty mižnarodnaj arhanizacyi, vyznačaŭ bok, jaki prymaje, a nie MAHATE. Takuju vysnovu litoŭskaje viedamstva zrabiła na padstavie lista ad hienieralnaha dyrektara MAHATE Jukii Amana.
Litoŭski bok śćviardžaje, što ekśpierty misii nie analizujuć kryteryi vybaru budplacoŭki, uździejańnie na navakolnaje asiarodździe i charaktar praviadzieńnia daśledavańniaŭ siejśmičnaj aktyŭnaści rajona, a abmiežavanyja tolki acenkaj biaśpieki kanstrukcyj.
Kiraŭnik MZS Litvy Linas Linkiavičus zajaviŭ, što taki vybiralny padychod da prymianieńnia normaŭ jadziernaj biaśpieki navodzić na dumku ab tym, što raspracoŭščykam BiełAES jość što chavać.
SEED-misija na Biełaruskaj AES pracuje z 16 pa 20 studzienia. Padrychtoŭka spravazdačy misii ŭ siarednim zajmaje try-šeść miesiacaŭ, adnak biełaruski bok i MAHATE damovilisia prykłaści maksimum namahańniaŭ, kab paskoryć hety praces. MZS Biełarusi miarkuje, što dakumient vyjdzie nie raniej za sakavik.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary