Na hety momant Biełaruś nie zdolnaja vykanać pahadnieńnie ab readmisii ŭ razumieńni Jeŭrasajuza, zajaviŭ 10 studzienia načalnik hałoŭnaha konsulskaha ŭpraŭleńnia Ministerstva zamiežnych spraŭ Ihar Fisienka.
Pavodle jaho słoŭ, Jeŭrasajuz žorstka źviazvaje praces pieramoŭ ab spraščeńni vizavych pracedur z zaklučeńniem pahadnieńnia ab readmisii. «Heta značyć adno pahadnieńnie bieź inšaha prosta nie nabudzie moc. Sa spraščeńniem vizavych pracedur nijakich pryncypovych prablem niama, ale hetaje pahadnieńnie źviazanaje całkam z pahadnieńniem ab readmisii», — skazaŭ pradstaŭnik MZS na bryfinhu ŭ pres-centry BiełTA.
«Dva hady tamu staŭleńnie da hetaha pytańnia było adnym, ale paśla mihracyjnaha kryzisu ŭ Jeŭropie adbyłasia peŭnaja pieraacenka kaštoŭnaściaŭ, u tym liku na ekśpiertnym uzroŭni. U toj situacyi, u jakoj my siońnia znachodzimsia, my nie ličym, što zdolnyja vykanać pahadnieńnie ab readmisii ŭ tym razumieńni, u jakim heta ličyć nieabchodnym Jeŭrapiejski sajuz. U nas prosta niama dla hetaha adpaviednaj infrastruktury», — zajaviŭ Fisienka.
«Heta značyć treba być hatovymi realna prymać ludziej, jakija buduć viartacca da nas u miežach pracedury readmisii. Dla hetaha nieabchodnyja čas i hrošy», — dadaŭ jon.
Nad pahadnieńniami ab ablahčeńni vizavaha režymu i ab readmisii Biełaruś i ES pracujuć užo niekalki hadoŭ. Čakałasia, što dakumienty buduć parafijavanyja ŭ mai 2015 hoda na samicie Uschodniaha partniorstva ŭ Ryzie, adnak hetaha nie adbyłosia. Jak zajaviŭ paśla samitu kiraŭnik MZS Biełarusi Uładzimir Makiej, dahavory nie byli parafijavanyja nie pa vinie Biełarusi.
24 listapada 2016 hoda Alena Kupčyna, jakaja zajmała na toj momant pasadu namieśnika ministra zamiežnych spraŭ Biełarusi, rastłumačyła žurnalistam: Biełaruś choča atrymać trochhadovy pierachodny pieryjad dla implemientacyi pałažeńniaŭ pahadnieńnia ab readmisii. Taki termin davaŭsia inšym krainam, ź jakimi ES zaklučaŭ takija pahadnieńni, u tym liku z Rasijaj, Ukrainaj i Turcyjaj, padkreśliła jana. «Hałoŭnaje dla nas zaraz — heta vyrašyć pytańnie ab readmisii. Sprava nie ŭ našaj niehatoŭnaści ŭziać hetyja abaviazacielstvy. My hatovyja, ale chočam vykonvać ich hodna», — zajaviła Kupčyna.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii13
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary