Apostalski nuncyj: My pracujem nad vizitam Papy razam ź biełaruskim uradam
Kab vizit Papy ŭ Biełaruś adbyŭsia, Vatykan pavinien pierakanacca, što jaho pryjezd budzie ŭsimi adnolkava stanoŭča ŭspryniaty, zajaviŭ u ekskluziŭnym intervju BiełaPAN apostalski nuncyj u Biełarusi arcybiskup Habar Pinter.
«Vizit Papy — źjava, jakaja pavinna prymnažać luboŭ, harmoniju, mir, usio samaje stanoŭčaje, što moža pračuć absalutna kožny čałaviek u hetaj krainie — nie tolki kataliki, ale i ŭsie inšyja chryścijanie, musulmanie, ateisty i hetak dalej, — padkreśliŭ dypłamat. — Heta pavinna być źjavaj, što ŭmacoŭvaje braterstva ludziej, ale nie pavinna być čymści, što moža raździalić ludziej, z-za čaho mohuć uźniknuć kanflikty i niazhoda».
«Ja viedaju, što pamiž ludźmi roznaj viery ŭ Biełarusi histaryčna panavaŭ mir i harmonija. Ale Papa, kali jon naviedaje Biełaruś, pryjedzie nie prosta jak pryvatnaja asoba abo biskup Ryma. Jon źjaŭlajecca kiraŭnikom dziaržavy, subjektam mižnarodnaha prava, tamu jaho vizit u lubuju krainu śvietu maje mižnarodny kantekst», — skazaŭ Pinter. Tolki paśla taho jak budzie ŭładžanaje hetaje pytańnie, možna budzie pierachodzić da techničnych detalaŭ arhanizacyi vizitu, dadaŭ kiraŭnik dypmisii Śviatoha pasadu.
«Jak ja ŭžo zajaŭlaŭ, dla mianie hety vizit źjaŭlajecca pryjarytetnaj zadačaj, — padkreśliŭ jon. — Ja viedaju, nakolki važnaja hetaja padzieja dla krainy, katalickaha kaścioła, biełarusaŭ u cełym i navat dla ŭsiaho Uschodnie-Jeŭrapiejskaha rehijona. Dla mianie pryjarytetam źjaŭlajecca rabić usio, što ŭ maich siłach, kab hety vizit adbyŭsia. My pracujem nad hetym pytańniem razam ź biełaruskim uradam i viedamstvami Vatykana».
Arcybiskup Pinter skazaŭ, što jamu ŭžo davodziłasia zajmacca arhanizacyjaj pryjomu pantyfika. «Ja byŭ u Paryžy, kali Papa Bieniedykt pavinien byŭ pryjechać u Francyju, u mianie jość vopyt u hetaj, treba skazać, nialohkaj spravie, jakaja technična zajmaje nie mienš za paŭhoda. Ale mianie nie pałochaje hetaja pierśpiektyva, ja rady joj», — zapeŭniŭ jon.
Apošni raz Habar Pinter sustrakaŭsia z Papam Francyskam u pačatku žniŭnia 2016 hoda, za dva tydni da svajho pryjezdu ŭ Biełaruś, jany šmat havaryli pra Biełaruś.
«Papa nahadaŭ pra svaju sustreču ź biełaruskim prezidentam i ŭsie tyja pytańni, jakija jany tady abmiarkoŭvali. Papa kazaŭ mnie pra svaju asablivuju luboŭ da katalickaha kaścioła ŭ Biełarusi. Jon vielmi dobra viedaje, što biełaruskija kataliki ŭ minułym mnohaje pieražyli. My razmaŭlali ź im ab tym, jakija ščyryja ŭ Biełarusi vierniki. Pantyfik ź vialikaj radaściu adhuknuŭsia ab toj aktyŭnaści, jakuju prajaŭlaje kaścioł u Biełarusi, a taksama ab dobrych adnosinach pamiž kaściołam i pravasłaŭnaj carkvoj u hetaj krainie», — skazaŭ dypłamat.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary