Da 1 lipienia ŭ parłamient płanujecca ŭnieści novy varyjant Kodeksa ab adukacyi
Da 1 lipienia ŭ Pałatu pradstaŭnikoŭ płanujecca ŭnieści novuju redakcyju Kodeksa ab adukacyi. Pra heta hramadskaści Mahilova raspavioŭ ministr adukacyi Ihar Karpienka padčas sustrečy ŭ dziaržaŭnym abłasnym instytucie raźvićcia adukacyi, pieradaje BIEŁTA.
Ministr paviedamiŭ, što ciapier idzie praca pa ŭniasieńni źmianieńniaŭ u Kodeks ab adukacyi. Pa jaho słovach, deputatam užo nakiravali novaŭviadzieńni, jakija płanujecca ŭnosić u Kodeks. Taksama Karpienka zaklikaŭ nastaŭnikaŭ-praktykaŭ, śpiecyjalistaŭ da abmierkavańnia hetaha dakumienta.
Zakranuŭ jon i temu novych školnych padručnikaŭ:
Karpienka: «Prezident pry pryznačeńni zakranaŭ temu padrychtoŭki padručnikaŭ. Hetaja praca ŭžo častkova pačataja. Niedzie da kanca 2020 hoda my pavinny całkam zabiaśpiečyć usimi novymi padručnikami sistemu ahulnaj siaredniaj adukacyi».
Karpienka padkreśliŭ, što da hetaj pracy pryciahvajucca nastaŭniki-praktyki. Čynoŭnik zajaviŭ, što jamu cikava, ci sapraŭdy spraviadliva adbyvajecca konkursny adbor aŭtaraŭ navučalnych dapamožnikaŭ, jak nastaŭniki-praktyki zadziejničanyja ŭ sistemie recenzavańnia padručnikaŭ.
Ministr vykazaŭ zadavalnieńnie tym, jak arhanizavany ŭ škołach šosty navučalny dzień. Jon raspavioŭ, što sam naviedvaŭ navučalnyja ŭstanovy, kab pravieryć heta. Adnak, na dumku kiraŭnictva krainy, subotu ŭ škołach treba zahruzić elemientami pracoŭnaha vychavańnia. Jak heta zrabić, na dumku Karpienki, pavinny padkazać praktyki.
Što da vyšejšaj adukacyi, tut ministr śledam za kiraŭnikom dziaržavy raskrytykavaŭ sistemu testaŭ. Maŭlaŭ, abituryjent moža paśpiachova zdać testy, padać siertyfikaty, ale što hety abituryjent ŭjaŭlaje saboj jak asoba? Na dumku Karpienki, abituryjent moh vybrać tuju VNU, dzie jamu lahčej prajści pa bałach, a nie metanakiravana atrymoŭvać abranuju prafiesiju.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina19
Kamientary