Parłamient Armienii pryniaŭ zakonaprajekt «Ab kampiensacyi škody žyćciu abo zdaroŭju vajskoŭcaŭ pry abaronie respubliki» i pakiet sumiežnych zakonaŭ paviedamlaje meduza.io.
Uchvalenyja parłamientam dakumienty, u liku inšaha, praduhledžvajuć stvareńnie śpiecyjalnaha fondu dla vypłaty kampiensacyj paciarpiełym na słužbie vajskoŭcam, a taksama siemjam zahinułych vajskoŭcaŭ.
U hety fond kožny aficyjna pracujučy hramadzianin Armienii pavinien budzie pieraličvać štomiesiac 1000 dramaŭ (kala 2 dalaraŭ ZŠA). Taksama praduhledžana mahčymaść dobraachvotnych achviaravańniaŭ.
Miarkujecca, što siemji zahinułych vajskoŭcaŭ, a taksama vajskoŭcy-invalidy I hrupy atrymajuć adnarazovuju vypłatu ŭ 10 miljonaŭ dramaŭ (kala 20 tysiač dalaraŭ), a invalidy II hrupy - 5 miljonaŭ dramaŭ (kala 10 tysiač dalaraŭ). Hetyja katehoryi hramadzian taksama zmohuć atrymlivać štomiesiačnyja vypłaty ŭ pamiery ad 200 tysiač da 300 tysiač dramaŭ na praciahu 20 hadoŭ.
Siaredni naminalny zarobak u Armienii ŭ studzieni-kastryčniku 2016 hoda składaŭ, pa dadzienych Nacbanka, 185,7 tysiačy dramaŭ (kala 387 dalaraŭ).
Kamientary