Łaŭreatami Nacyjanalnaj premii biełaruskich pravaabaroncaŭ stali Huštyn, Drazdoŭski i Drozd
U Minsku 9 śniežnia, napiaredadni Mižnarodnaha dnia pravoŭ čałavieka, uručana štohadovaja Nacyjanalnaja premija biełaruskich pravaabaroncaŭ za dasiahnieńni ŭ śfiery pravoŭ čałavieka.
Łaŭreataŭ vyznačali ŭ troch naminacyjach — «Žurnalist hoda», «Pravaabaronca hoda» i «Kampanija/inicyjatyva hoda», uznaharoda ŭ jakoj uručałasia ŭpieršyniu. U adroźnieńnie ad premij minułych hadoŭ adsutničała naminacyja «Advakat hoda». Pavodle słoŭ kiraŭnika Biełaruskaha doma pravoŭ čałavieka Taćciany Raviaki, heta źviazana z tym, što dziejnaść mnohich advakataŭ, jakija supracoŭničajuć z pravaabaroncami, zaraz znachodzicca pad pilnaj uvahaj uładaŭ, i advakaty nie chočuć jaje afišavać.
U naminacyi «Žurnalist hoda» łaŭreataŭ akazałasia dvoje. Siarod ich — karespandent infarmacyjnaj kampanii BiełaPAN Adarja Huštyn, jakaja śpiecyjalizujecca na sudovych repartažach i pravaabarončaj tematycy. Łaŭreatam taksama staŭ redaktar sajta Biełaruskaha dakumientacyjnaha centra, historyk, eks-palitviazień Dźmitryj Drozd.
U naminacyi «Pravaabaronca hoda» premija ŭručanaja kiraŭniku Ofisa pa pravach ludziej ź invalidnaściu Siarhieju Drazdoŭskamu — za advakatavańnie dałučeńnia Biełarusi da kanviencyi ab pravach invalidaŭ.
U naminacyi «Kampanija/inicyjatyva hoda» łaŭreatam stała redakcyja sacyjalnaha internet-časopisa «Imiena», jaki źjaviŭsia sioleta.
Mižnarodny dzień pravoŭ čałavieka adznačajecca 10 śniežnia.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary