Adkaz Lavonu Volskamu
na artykuł «Nie čapajcie Smołavaj» («NN», №16 ad 28 krasavika 2006)
Nia treba šukać apraŭdańniaŭ dla tych, chto ich nia varty. Za žyćciovuju «biadu» našyja «ahitatary pad prymusam» atrymlivajuć mašyny, šmatpakajoŭki i šalonyja dla Biełarusi hanarary. Čym jany lepšyja za ideolahaŭ režymu, ja ŭciamić nie mahu. Čym adroźnivajecca žaŭnier, jaki palić chaty, ad hienerała, jaki addaje taki zahad?
Naša aficyjnaja papsa viedaje, jaki los jaje moža čakać, kali režym laśniecca. Tamu i ščyruje na karyść režymu. Voś ža chto sapraŭdnyja łukašysty: jak va ŭładzie – dyk my zaŭsiody pobač (kab jašče nam, biedakam, hrošykaŭ padkinuli, było b zusim dobra), a jak PPRB nia budzie – pieršymi pačnuć pierakonvać aŭdytoryju, što jany «bajcy niabačnaha frontu»!
Sapraŭdy, pra našuju ciapierašniuju estradu nia viedajuć za miažoj i nikoli viedać nia buduć. Ale biełarusy viedajuć. I pamiatajuć. Pryjdzie čas – i našych «zabiełaruśnikaŭ» zhadajuć, adzin raz – kab addać pavodle spravaŭ ich – i zabuducca. Nazaŭsiody.
Kab potym nie davodzić, što ty nie viarblud, najlepšy srodak – nie padavacca viarbludam ciapier. Jašče jość šaniec zadumacca! Darosłym ludziam nie patrebnyja mamki, u lepšym vypadku – advakaty.
Vybar jość zaŭsiody.
Śvieta Dumka
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami53
Kamientary