Na miescy kaviarni sietki «Sałodki falvarak», jakaja ŭvachodzić u strukturu hrupy kampanij «Trajpł» Juryja Čyža, raźmieścicca «Makdonalds». Havorka idzie pra kaviarniu kala stancyi mietro «Frunzienskaja», raspaviali ŭ kampanii «KSB Viktary Restarany», jakaja raźvivaje «Makdonalds» u Biełarusi.
skrynšot z karty «Jandeks»
Jak paviedamiŭ dyrektar pa markietynhu «KSB Viktary Restarany» Uładzisłaŭ Ryžykaŭ, «Makdonalds» na vuł. Maksima Tanka, 2 budzie prykładna na 100 pasadačnych miescaŭ.
Ciapier u kampanii prystupajuć da prajektavańnia novaha abjekta, jakoje zojmie ad 4 da 6 miesiacaŭ. Kankretny termin adkryćcia pakul nie viadomy, ale ŭ asabistaj hutarcy z adnym z pakupnikoŭ supracoŭniki kaviarni raspaviali, što apošni dzień jaje pracy — 31 maja 2017 hoda.
Jašče adzin «Sałodki falvarak» znachodzicca na płoščy Pieramohi. Hetyja kaviarni ŭvachodziać u strukturu hrupy kampanij «Trajpł» Juryja Čyža naroŭni z takimi abjektami hramadskaha charčavańnia, jak «Rakaŭski Brovar», La Crête d'or i «U Francyska».
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary