Tysiačy pratestoŭcaŭ u Sieule vyjšli na demanstracyju z patrabavańniem adstaŭki prezidenta krainy Pak Kyn Che na fonie skandału z umiašańniem u dziaržaŭnyja spravy blizkaj siabroŭki karejskaha lidara.
Palicyja paviedamlaje ab 40 tysiačach udzielnikaŭ akcyi, piša VVS.
Heta druhaja hetak bujnaja manifestacyja: u minułuju subotu ŭ Sieule taksama prajšła šmattysiačnaja akcyja pratestu suprać Pak Kyn Che.
Paśla hetaha prezident pryniesła prabačeńni i zrabiła radykalnyja pierastanoŭki ŭ kiraŭnictvie krainy.
Skandał vybuchnuŭ paśla taho, jak u kancy kastryčnika žurnalisty kabielnaha kanała JTBC znajšli ŭ śmiećcievym baku adnaho z hatelaŭ Sieuła płanšet, na jakim vyjavili 200 sakretnych dakumientaŭ 2012-2014 hadoŭ. Siarod ich akazalisia i 44 čarnaviki pramovaŭ Pak Ken Che.
Vyśvietliłasia, što pramovy praviła siabroŭka prezidenta Čchve Sun Sil, jakuju apazicyja nazyvaje «varažbitkaj». U płanšecie taksama znajšli jaje sełfi. Śledčyja padazrajuć jaje va ŭmiašańni ŭ dziaržaŭnyja spravy i vykarystańni svajho stanovišča dziela atrymańnia finansavaj vyhady.
Pa viersii śledstva, jana zmušała pradprymalnikaŭ achviaravać miljony dalaraŭ padkantrolnym joj fondam, dapamahała pry vybary pamočnikaŭ prezidenta i navat vybirała adzieńnie dla Pak Kyn Che.
Čchve Sun Sil była aryštavanaja ŭ čaćvier, joj vystaŭlenyja abvinavačvańni ŭ machlarstvie i złoŭžyvańni ŭładaj.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary