Hiermanija značna pavialičvaje kolkaść tankaŭ u adkaz na pahrozu z boku Rasii
Da 2020 hoda tankavy park niamieckich Uzbrojenych sił budzie pavialičany ŭ 1,5 razu — pierš za ŭsio ŭ adkaz na pavieličeńnie pahrozy z boku Rasii, pryčym vyraście kolkaść jakraz samych sučasnych mašyn, paviedamlajuć ŚMI.
Z 2012 hoda Bundeśvier (Uzbrojenyja siły Hiermanii) mieŭ tolki 225 tankaŭ Leopard 2 troch apošnich madyfikacyj — Leopard 2A6, Leopard 2A6M i Leopard 2A7, ź jakich 49 vykarystoŭvajucca jak vučebnyja. Ciapier ich budzie 320.
U suviazi z ahresijaj RF suprać Ukrainy było vyrašana nie tolki rezka pavialičyć kolkaść tankaŭ, ale i dolu najnoŭšych Leopard 2A7.
Da taho ž płanujecca madernizavać tanki da nastupnaj madyfikacyi Leopard 2A7V, jakaja pakul tolki raspracoŭvajecca.
Novyja tanki atrymajuć madernizavanuju 120-mm harmatu, da jakoj stvarajuć taksama novyja supraćtankavyja bojeprypasy, jakija, jak miarkujecca, buduć na 20% bolš efiektyŭnymi.
Da taho ž tanki buduć mieć sistemu klimat-kantrolu, novyja pryceły, sistemu šmatśpiektralnaha maskavalnaha pakryćcia, uzmocnienuju supraćminnuju abaronu, sistemu prahramavańnia snaradaŭ.
Bolš za toje, kampanija Rheinmetall Weapon and Munition, jakaja vyrablaje harmaty dla tankaŭ Leopard 2, prezientavała sjoleta novuju tankavuju 130-mm harmatu, jakuju pačali raspracoŭvać u 2015 hodzie.
Publikujecca ŭ miežach śpiecyjalnaj rubryki «Naviny Hiermanii»
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary