Dyrektar «Šachciora» Juryj Viarhiejčyk prakamientavaŭ svajo niadaŭniaje vykazvańnie ab tym, što žanočy futboł treba prybrać, piša Tribuna.
Nahadajem, na vykankamie ABFF jon adreahavaŭ na sumu zajavačnaha ŭznosu dla ŭdziełu ŭ čempijanacie Biełarusi siarod žanočych kamand, jakaja składaje 7 młn rubloŭ.
«Surjozna? Značyć, ja mahu stać sponsaram. A kali naohuł prybiarem žanočy futboł — usim tut bankiet nakryju. Žančyny pavinny dziaciej naradžać», — skazaŭ tady Viarhiejčyk.
«Čamu vy niehatyŭna staviciesia da žanočaha futboła?» — było zadadzienaja Viarhiejčyku pytańnie ŭ efiry prajekta «10 pytańniaŭ» na ABFF-TV.
«Tut ja kateharyčny. Sprava ŭ tym, što pryznačeńnie žančyn — naradžać dziaciej. I kali žančyna maje prafiesijnuju karjeru. Tut ža zrazumiejcie, jakim vidam sportu zajmaješsia — tak struktura arhanizma i farmujecca. Tamu ja b nie chacieŭ, kab našy žančyny byli, prabačcie, z kryvymi nahami, siniakami, sa šnarami i padbitym vokam. Ja b chacieŭ, kab jany ŭ nas byli pryhožyja, fihurnyja, ź viedańniem moŭ, umieli tančyć. I ŭsio heta pieradavali našym dzieciam. Čym bolš jany buduć naradžać takich pryhožych dziaciej, jak ja sabie ŭjaŭlaju, tym budzie lepš dla našaha hramadstva», — skazaŭ jon.
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie8
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3535
Kamientary