23-hadovaha žychara Žodzina zatrymali supracoŭniki 10-ha ŭpraŭleńnia (pa Minskaj vobłaści) hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Biełarusi. Jaho padazrajuć u šerahu złačynstvaŭ suprać asoby.
Pavodle infarmacyi UUS Minabłvykankama, złačynstvy adbylisia ŭ Žodzinie ŭviesnu 2015 hoda. U adnym z žodzinskich internataŭ chłopiec napadpitku mieŭ seks ź niepaŭnaletniaj. Taksama jon biespadstaŭna źbiŭ niepaŭnaletniaha padletka kala haradskoj lakarni.
Žodzinski adździeł Śledčaha kamiteta pačaŭ kryminalnyja spravy. Pad pahrozaj kryminalnaha pieraśledu junak śpiarša źjechaŭ z Žodzina, a potym i ŭvohule pakinuŭ krainu. Pavodle apieratyŭnaj infarmacyi, bolš za hod chłopiec chavaŭsia ŭ Rasii. Ciapier jaho ŭziali pad vartu.
Paviedamlajecca, što chłopiec sistematyčna vykazvaŭ prychilnaść i prapahandavaŭ idei nieafašyzmu, na jaho ciele jość adpaviednyja tatu i simvały. Raniej małady čałaviek pryciahvaŭsia da administracyjnaj adkaznaści za raśpićcio śpirtnych napojaŭ u hramadskich miescach, abrazy i drobnaje chulihanstva.
Darečy, pravaachoŭniki źviartajuć uvahu na toje, što pry pieršapačatkovym razbory pa ŭčynienych złačynstvach žodzincie zapałochvaŭ i šantažavaŭ śviedkaŭ i paciarpiełych, kab atrymać śviedčańni na svaju karyść.
Taksama paviedamlajecca, što apošnim časam chłopiec pryniaŭ zachady dla źmieny źniešnaści.
Milicyjanty miarkujuć, što zatrymany maje dačynieńnie da inšych złačynstvaŭ suprać asoby, u tym liku seksualnaha charaktaru.
U suviazi z hetym pravaachoŭniki prosiać tych, u dačynieńni da jakich padazravanym byli ździejśnieny supraćpraŭnyja dziejańni, a taksama tych, chto vałodaje pra heta jakoj-niebudź infarmacyjaj, paviedamić pra siabie ŭ 10-aje kiravańnie HUBAZiK MUS Respubliki Biełaruś.
Kantaktnyja telefony: 8-017-218-53-96, 8-033-692-08-06 (MTS).
Aryštavany 75‑hadovy Źmicier Sańko — vieteran-vydaviec3
Kamientary