Marcirasian, z-za jakoha viarnuli bort «Biełavija», vyrašyŭ źviarnucca va ŭkrainskija i jeŭrapiejskija sudy
Pasažyr Armien Marcirasian, z-za jakoha samalot kampanii «Biełavija» viarnuli ŭ aeraport Kijeva, vyrašyŭ źviarnucca ŭ sud. Pra heta jon paviedamiŭ na svajoj staroncy ŭ Facebook.
Fota: Armien Marcirasian / Facebook
«Budu padavać pazoŭ u sud, kab asprečyć supraćpraŭnyja dziejańni ŭ dačynieńni da mianie z boku ŭkrainskich uładaŭ… Prajdu pa viertykali ukrainskich i jeŭrapiejskich sudoŭ», — napisaŭ jon.
Raniej jon paviedamiŭ padrabiaznaści: «Mianie vyvieli z samalota esbeušniki, pravieryli ŭsie maje rečy, šukali niejki nazapašvalnik infarmacyi. Ničoha nie znajšli, skłali akt pra toje, što ŭ mianie ničoha niedazvolenaha nie znojdziena, adpuścili. Na nastupnym rejsie ja palacieŭ».
Armien Marcirasian — kiraŭnik praŭleńnia Mižnarodnaj hramadskaj arhanizacyi «Hramadzianski sajuz». Ukrainskija ŚMI nazyvajuć jaho taksama błohieram, žurnalistam, aktyvistam Antymajdanu, aŭtaram rasijskaha vydańnia «Ukraina.ru» (uvachodzić u ahienctva «Rośsija Siehodnia», jakoje ŭznačalvaje Dźmitryj Kisialoŭ). Da 2014 hoda jon žyŭ u Kijevie, zatym pierajechaŭ u Maskvu.
Samalot «Boinh 737-800» (bartavy numar EW-456PA) avijakampanii «Biełavija», jaki vykonvaŭ rejs V2-840 pa maršrucie «Žulany» (Kijeŭ) — Minsk, 21 kastryčnika byŭ viernuty ŭ aeraport vyletu paśla patrabavańnia Słužby biaśpieki Ukrainy. Ekipažu było zajaŭlena, što ŭ vypadku nievykanańnia kamandy ŭ pavietra buduć padniatyja źniščalniki.
MZS Biełarusi ŭ suviazi ź incydentam zajaviŭ pratest i ŭručyŭ notu Ukrainie ŭ suviazi z prymusovaj pasadkaj u Kijevie biełaruskaha łajniera.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary